Tania Medina
Oochel: Raúl Angulo Hernández
K'iintsil
Yucatán
Martes 16 ti' enero, 2017
Yáax Festival del Globo en Yucatán (FIGY) yaan u káajal yéetle u cha’anil circo tu k’íiwikil u noj kaajil Jo’, le jueves ku náats’ala’.
Tia’al le máank’inala’ tukulta’an u beeta’al jejeláas meyajio’ob tia’al u yantal ba’al u náaysik u yóol máak te’e k’iino’oba’. Ka’alikil táan u beeta’alo’obe’, yaan u líik’sa’al 60 gloobo’ob, ba’ale’ tia’al u k’iinil 20 ti’ enero, máax tu bo’otaj tia’al u yokol cha’ane’, yaan u páajtal u yu’ubik u k’aay Aleks Syntek yéetel yaan u t’a’aba’al globos tia’al cha’antbil te’e áak’abo’.
Tia’al sábado yéetel domingo yaan u béeytal u na’akal máak ti’ globo’ob yéetel yaan u yantal cha’anilo’ob tia’al mejen paalal lik’ul 7 ja’atskab k’iin. Tu taal u yáak’abtal, yaan u beeta’al u xíimbalil dragono’ob, yaan xan u paax Barzoo, Los Rippers, Designación ichil uláak’ múuch’ paaxo’ob.
Ku páajtal u ma’anal Redicom ti’: Gran plaza, Ópticas Espadas yaan ti’ Montejo, Plaza Altabrisa yéetel Plaza Las Américas. ADO: CAME Jo’, terminal Kaanpech, módulo Malecón Las Américas Cancún, terminal Saki’ yéetel terminal Playa del Carmen Quinta Avenida.
U béeytal u na’akal máak ti’ globoe’ táan u je’ets’el ti’ redes sociales tumen máaxo’ob beetik FIGY. Tia’al u yojéelta’al uláak’ ba’alo’ob yo’olale’ ku páajtal u xak’alta’al u kúuchil Internet elgloboenyucatan.com.mx.
____________________________________________
[b]Primer Festival del Globo en Yucatán[/b]
El primer Festival del Globo en Yucatán (FIGY) será inaugurado este próximo jueves con una presentación de circo en la Plaza Grande de Mérida.
Dentro de la programación habrá actividades culturales, recreativas y artísticas para todas las edades. Serán más de 60 globos.
Para mayor información se puede consultar el programa en la página oficial elgloboenyucatan.com.mx.
