La Jornada Maya
Oochel Ap
K'iintsil
Miércoles 24 ti' mayo, 2017
Aj beet balts’am Roger Moore, máax jach k’ajóolta’ab ti’ yóok’ol kaab uchak u kuxkíinsik agente James Bond, sa’at u kuxtal jo’oljeak martes, 89 u ja’abil, beey jts’a’ab k’ajóoltbil tumen u baatsilo’ob ti’ Twitter.
Lajkap’éel ja’abo’ob tu ts’áaj u yóol ti’ James Bond, juntúul aj ch’úuktaj máak ti’ Reino Unido, suuk u yoksikubáaj tu’ux yaan sajbe’etsil ba’al, le beetik ayik’alchaj Moore ts’o’okole’ jach k’ajóolta’ab.
“Jach yaaj t-óol k ts’áak k’ajóoltbil ts’o’ok u sa’atal u kuxtal k yuum, Sir Roger Moore, máax jkíim bejla’a ti’ Suiza, uchak u píitmáansa’al u muuk’ tumen cáncer”, j-a’alab ti’ jump’éel k’a’aytaj ts’íib ti’ Twitter.
Moore, u paalil juntúul aj kanan kaaj ti’ Londres, juntéenak tu ya’alaje’ le ba’ax ku chikpajal ti’ cine yéetel ti’ u kuxtale’, chéen u yoochel ti’ u su’ulakilil. Beyxan tu ya’alaje’, jach sajak le kéen yanak u beetik cha’an tu’ux yaan sexo, tumen lelo’ ku jach u beetik ti’ u cha’anilo’ob Bond.
U káajbal u beetik cha’ano’ob tumen Moore, káaj tu ja’abil 1962, uchik u k’a’amal tia’al u táakpajal ti’ The Saint, jump’éel serie ku máansa’al ti’ máaben cha’an. Ba’ale’, tak tu ja’abil 1973 ka káaj u beetik James Bond, espía 007, jóok’sa’an tu ts’íibo’ob Ian Fleming. Cha’ano’ob tu beetaj te’e k’inako’obe’, tu beetaj u náajaltik Moore kex 14 millones ti’ libras, kex 22 millones ti’ dólares.
_________________________________________________
Murió uno de los 007... quedan tres
El actor británico Roger Moore, quien alcanzó la fama internacional al interpretar al famoso agente secreto James Bond, murió el martes a los 89 años, dijo su familia en la cuenta oficial del artista en Twitter.
Sus 12 años como James Bond, el espía británico con un voraz apetito por el peligro y el sexo, hizo millonario a Moore además de ídolo en todo el mundo.
“Con suma tristeza debemos anunciar que nuestro amado padre, Sir Roger Moore, falleció hoy en Suiza tras una corta pero valiente batalla contra el cáncer”, dijeron sus tres hijos en un comunicado en Twitter.
Moore, hijo de un policía de Londres, una vez dijo que la elegante imagen que interpretaba tanto dentro como fuera del cine era una pantalla cuidadosamente cultivada de su timidez. También afirmó que le aterrorizaba filmar las escenas de sexo que eran clave en las películas de Bond.
En 1973 llegó el codiciado papel de James Bond, el espía 007 de las novelas de Ian Fleming, quien cautivó a los cinéfilos en todo el mundo. Las películas de la franquicia le habrían hecho ganar a Moore 14 millones de libras (22 millones de dólares).
