Paul Antoine Matos
Oochel Patricio Zambrano
K’iintsil
Jo’, Yucatán
Lunes 24 ti’ julio, 2017
Ya’ab yóok’ol kabil ku béeytal yóok’ol le kaaba’. Zapatismo láayli’ ku ba’atele’, ku muk’yaj yéetéel ku yawtik tiibilil beeyxan chíimpolal ti’ miatsil yéetel its’at.
Ti’ tu ka’ap’éel [i]Festival ComPARTE por la Humanidad[/i] ku k’amik tuláakal máak ku táakpajlo’ob ti’ [i]la Sexta Declaración de la Selva Lacandona[/i] ku taalo’ob tu jejeláas yóok’ol kaabil. Tu kúuchilil [i]Cideci[/i] yéetel [i]Universidad de la Tierra[/i], tu kaajil San Cristóbal de las Casas, ku taalo’ob ti’ u lu’umilo’ob México, Italia, Ecuador, Francia yéetel uláak’ yaanal tu’uxilo’ob ku beetiko’ob u béeytal jump’éel yóok’ol kaabil muuch’ yéetel Tzotzilo’ob beeyxan uláak’ maasewáal kaajo’ob ti’ Chiapas. Le yóok’ol kaabilo’ob ichil u síis óolil le k’áaxo’ yaan u beetiko’ob túumben baatsilil.
Le domingo máaniko’ je’ek’abta’ab utia’al tuláakal máak tu kaajil [i]SanCris[/i]. Tu yáax k’iinilo’ob tak jueves yaan u yúuchul tu kúuchil [i]Cideci[/i], viernes yéetel sábado yaan u k’uchul tu kúuchil juub ([i]caracol[/i]) ti’ Oventik. Yaan xan u k’a’ajsa’al le 43 xoknáal saatalo’ob ku taalo’ob tu najil xook [i]Raúl Isidro Burgos[/i] ti’ Ayotzinapa, ichil u k’iinilolo’ob u chukik 34 wi’inal mixba’al ojela’an ti’ leti’ob.
[i]Teatro Callejero[/i], yéetel jejeláas u boonil u nook’il u yicho’obe’ ku ya’alik ka anchajak maantats’ ba’atelil yéetel chich óol ti’ tuláakal máak.Yóok’ol kaabilo’obe’ yaan u beetpajal ti’ múuch’tambalil, ti’ cha’anil, ti’ e’esail oochel, ti’ e’esajil.
Juntúul chan ch’úupal k’an u tso’otsel u pool ku náats’al yéetel ku k’áatik wa yaan u [i]bo’olil le múuchtambalilo’obo’[/i], juntúul chan xi’ipal chak u nook’e’ ku núukik ti’ [i]ma’[/i], le beetik u k’aaba’e’ [i]CompARTE[/i].
