de

del

La Jornada Maya
Oochel cdmx.gob.mx
K'iintsil

U Noj Kaajil México
Jueves 4 ti' agosto, 2107

U meyajil [i]Laboratorio para la Ciudad[/i] táan u beeta’al tumen u jala’achil u Noj Kaajil México tu káajsaj jump’éel meyaj tu winalil junio ti’ le ja’aba’, tia’al u patjo’olta’al u chíikulal noj kaaj, ba’ale’ yéetel emojis.

Ichil ba’ax jts’a’ab k’ajóoltbil tumen Gabriella Gómez-Mont, máax jo’olbesik LabCDMX,tu ya’alaj ti’ Veme, ketlam beeta’abe’, chéen jump’éel “nu’ukul ku p’isik kaaj”, tumen “ku kaxtik ka xak’alta’ak ba’ax u k’áat u ya’al ka yanak ti’ CDMX junmúuch’ chíikilalo’ob wa emojis tia’al u chikpajal ich kaaj sáansamal”:

Ketlame’ tu k’amaj maanal ti’ 20 mil boonilo’ob; jujump’éelil uchik u xak’alta’al tumen máako’ob u jach k’ajóolmajo’ob u meyajil diseño, ku taalo’ob ti’ México yéetel ti’ táanxel lu’umo’ob, beyxan xak’alta’an tumen máax beetik jefe de gobierno, Miguel Ángel Mancera.

Yéeya’ab maanal ti’ 250 u p’éel emojis tia’al u ts’a’abalo’ob ti’ kaaj, yéetel yaan u páajtal u yéensa’al tak septiembre, tu kúuchil PlayStore yéetel AppStore.

Ketlame’ náajalta’an tumen Itzel Oropeza Castillo, máax tu yéeyaj ajolote tia’al u chikbesik u boonil, tumen juntúul ba’ache’ “jats’uts, ki’imak u yóol yéetel sijnáal ti’ México”.

Tu boonile’ ku chikpajal juntúul ajolote ka’alikil táan u jaantik ba’alo’ob suuk u beeta’al te’e noj kaajo’, ku búukintik u nook’il xcatrina yéetel juntúul ajba’atel máak, beyxan ku méek’ik kúuchilo’ob je’el bix Torre Latinoamericana yéetel Palacio de Bellas Artes.