Ku páajtal u k'u'ubul meyajo'ob ich maaya t'aan

Concurso Iberoamericano de Composición Coral

Notimex
Oochel Israel Mijares
K'iintsil

Jo', Ycuatán
Miércoles 6 ti' septiembre, 2017

Meyaj beeta'an ich maaya wa káastelan t'aan ti' le lu'uma', yaan u páajtal u táakpajalo'ob ti' u ketlamil Concurso Iberoamericano de Composición Coral, tu'ux yaan u k'u'ubul 10 mil dólares ti' máax ku náajale'. Ketlame' ku kaxantik ka beeta'ak paaxo'ob tumen jejeláas múuch'ilo'ob paax.

Secretaría de la Cultura y las Artes (Sedeculta) ku páayt'antik ajts'íib k'aayo'ob ti' le lu'uma' tia'al u táakpajalo'ob ti' le ketlam beeta'an tumen Programa de Fomento de las Músicas Iberoamericanas (Ibermúsicas) ichil jump'éel múul meyaj yéetel Instituto Nacional de Bellas Artes (INBA).

Yaan u páajtal u táakpajal meyajo'ob beeta'an yéetel ma' yáax ts'a'aban k'ajóoltbil, tia'al u k'a'ayalo'ob ti' coro, capella wa láak'inta'an tumen piano, unaj u xáanta'al ichil 10 yéetel 120 minutos. Ba'ale' ku páajtal u k'u'ubul meyajo'ob beeta'an ich káastelan, portugués, wa t'aan ku méek'tanta'alo'ob tumen u lu'umil le t'aano', je'el bix náhuatl, guaraní, aymara, ichil uláak'o'ob.

jujuntúul máak unaj u k'ubik u solicitud yéetel unaj u beeta'al tu kúuchil Internet www.ibermusicas.org, 31 ti' octubre u suul k'iinil u beeta'al. CHéen jump'éel meyaj kuj páajtal u k'u'ubul, unaj u táakpajal máak yéetel patk'aaba'.

Máax ku táakpajale' unaj maanal 18 u ja'abil, mixba'al ti' tu'ux sijnáalo'ob wa tu'ux kaja'ano'ob, chéen unaj jump'éel iberoamericano lu'umil, unaj táakbesa'ano'ob ti' Catálogo de Recursos de Música, yaan tu kúuchil Internet.

Yaan u ts'a'abal k'ajóoltbil máax ku náajal tu k'iinil 31 ti' enero, 2018. K'aay ku náajale' yaan xan u k'a'aya'al tumen múuch'ilo'ob Argentina, Colombia, Perú yéetel México.

Ku páajtal u yojéelta'al uláak' ba'alo'ob ti' le kúuchil Internet ts'o'ok u yáax ts'a'abalo' wa u t'aan máak yéetel María Guadalupe García Villanueva, máax jo'olbesik nu'ukbesaj México, ti' 01 (55) 1000 5600 extensión 4322.

Concurso Iberoamericano de Composición da entrada a obras en maya

Obras en español o maya de autores yucatecos podrán aspirar al estímulo económico por 10 mil dólares que otorgará el segundo Concurso Iberoamericano de Composición Coral, que busca impulsar y promover la creación de repertorio original para agrupaciones mixtas.

La Secretaría de la Cultura y las Artes (Sedeculta) invita a letristas de la entidad, a presentar sus propuestas en el certamen organizado por el Programa de Fomento de las Músicas Iberoamericanas (Ibermúsicas) y coordinado en el país por el Instituto Nacional de Bellas Artes (INBA).

Se aceptarán piezas originales e inéditas, escritas para coro a capella o con acompañamiento de piano, cuya duración oscile entre los 10 y 120 minutos. Además de castellano, el texto podrá estar en portugués o en lenguas propias de las naciones que integran dicha región, como náhuatl, guaraní, aymara, por citar algunas.

Las solicitudes, que serán de carácter individual, deberán realizarse en línea en la página www.ibermusicas.org, antes del 31 de octubre del presente. Sólo se admitirá una pieza por aspirante, quien se registrará utilizando un pseudónimo, que figurará claramente en todos los documentos que así lo especifican.

Los candidatos, que serán mayores de 18 años, podrán pertenecer por nacionalidad o residencia certificada a cualquier país iberoamericano y tendrán que formar parte del Catálogo de Recursos de Música del referido portal.

El resultado se dará a conocer el día 31 de enero de 2018. Adicional al premio monetario, la canción ganadora será estrenada por reconocidos coros en Argentina, Colombia, Perú y México.

Para mayores informes sobre la convocatoria, consultar el sitio web antes aludido. En caso de no tener acceso a la plataforma, contactarse con el representante de México en el Programa, María Guadalupe García Villanueva, al teléfono 01 (55) 1000 5600 extensión 4322, para obtener asistencia personalizada.