Ku k’iimbesik Apple lajun ja’abo’ob yéetel túumben iPhone

iPhone X, jts'a'ab u k'aaba'

Afp
Oochel apple.com
K'iintsil

Martes ku taala’ yaan u ts’a’abal k’ajóoltbil u túumbenil iPhone gama alta, tumen Apple, jump’éel nu’ukul jach táan u pa’ata’al. Ts’o’ok u máan lajun ja’abo’ob uchik u ts’a’abal k’ajóoltbil yáax nu’ukul jach uts uchik u k’a’amal, ba’ale’ u túumbenil smartphone k’a’anan u ye’esik yaan ba’alo’ob túumben ku taasik.
Je’el bix suuk u beetik Apple, tu súutukil u ts’a’abal k’ajóoltbile’ yaan u beeta’al jump’éel cha’an; ba’ale’ ma’ a’alak ba’ax ku beetbil, tukulta’an u káajsala las 17:00 GMT, tumen leti’e’ u k’iinilo’ob suuk u k’a’aytik túumben smartphones.

Máaxo’ob beetik xaak’alil ku ya’aliko’obe’, mola’aye’ yaan u ts’áak k’ajóoltbil túumben nu’ukul yéetel u k’aaba’ "iPhone X", lajun u xookil tumen leti’e ja’abo’ob ts’o’ok u máan uchik u jóok’sa’al yáax iPhone, ts’o’okole’ ya’abach ba’alo’ob tu jelbesaj ti’ bix u beeta’al nu’ukulo’ob t’aan yéetel ts’o’ok u konik maanal ti’ mil 200 millones u p’éel nu’ukulo’ob.

“U ts’a’abal k’ajóoltbil iPhone te’e ja’aba’, ts’o’ok u máan k‘iin káajak u pa’atal, wa ktukultik táan u pa’atal ka jelpajak u sóol lik’ul iPhone 6 (tu ja’abil 2014) ba’ale’ beyxan ka u beet xan uláak’ túumben ba’alo’ob”, ts’íibta’ab tumen Amit Daryanani, analista ti’ RBC Capital Markets.

Kex 10 mil dólares ken u tojoltej

Ku tukulta’an u máank’inal iPhone yaan u yantal u jach túumbenil OLED, pantalla tu’ux ku chikpajal oochelo’ob tajan ma’alo’obtak, ts’o’okole’ óol tu túulisil le nu’ukul beyo’, yaan tak u luk’sa’al u chíikulal “Home”, leti’e yaan kaabal yéetel ku ts’áank’abta’al.

U desbloquearta’ale’ yaan u páajtal u beeta’al yéetel reconocimeinto facial 3D, tumen ts’a’aban uláak’ jump’éel nu’ukul tia’al u ch’a’abal oochel.

Beyxan, yaan u ts’a’abal uláak’ ba’alo’ob 3D ku páajtal u k’a’abéetkunsa’al tia’al u meyaj realidad aumentada ti’ iPhone. Ku meyaj ti’ báaxalo’ob (tia’al u chikpajal óol beey jach jaaj ba’ax táan u yúuchule’), beyxan ku meyaj tia’al u yila’al bix je’el u chikpajal wa ba’ax ich naj, (je’el bix u boonil jump’éel sofá), ku tukulta’al realidad aumentada jump’éel ba’al k’a’anan tia’al ba’ax ku taal u k’iin yéetel nu’ukulo’ob t’aan.

U paach iPhone ts’a’aban cristal tu jeel metal, ts’o’okole’ yaan u páajtal u cargar u bateria xma’ cableil, ya’ab máax táan u pa’atik ka béeyak u cargar beyo’, beey je’ets’ik tumen aj xaak’alo’ob.

Tuláakal túumben ba’alo’obe’ ku bo’ota’al: iPhone X je’el u tojoltik tak mil dólares, wa tak mil 200, mil 400, je’ex u tsikbalta’alo’.

Wa beey ken u tojoto’, “k’a’anan jach noj ba’al ka u beetej”, beey tu ya’alaj aj xak’al xool Rob Enderle.

Máax aktáantik Apple, Samsung sijnáal Surcoreae’, táant u ts’áak k’ajóoltbil smartphone alta gama, Note 8, yaan u káajal u ko’onol viernesm ku náats’ala’ yéetel yaan u tojoltik kex mil dólares ti’ Estados Unidos.

Ku ya’alale’, tu lu’umil México, iPhone X yaan 64 GB tia’al u líik’sa’al ba’alo’obe’, yaan u tojoltik 23 mil 499 pesos. iPhone X yaan 256 GB yaan u tojoltik 26 mil 999 pesos.

Óoxp’éel iPhone

Yaan xan tsikbalo’ob jok’a’an tu’ux ku ya’alal yaan u k’as xanchajal u ko’onol iPhone, tumen ku tukulta’ale’ xanchaja’an u beeta’alo’ob Asia, le beetik je’el u xantal u jóok’sa’al konbil u ya’abil tumen Apple, chéen jayp’éel kéen yáax jóok’sa’ako’obi’.

Apple unaj u jóok’sik nu’ukul u ma’alo’obkúunsmaj, ba’ale’ je’el bix iPhone suuk u jook’sa’al: jump’éel ka u k’abat “8” yéetel “8 plus”, ba’ale’ ka xáanak u meyaj u beteria wa ka ya’ankúunsa’ak beyka’aj ba’alo’ob ku páajtal u ts’a’abali’.

Beyxan, ichil uláak’ ba’alo’ob ku tsikbalta’ale’, ku ya’alal ma’ xaan ka ts’a’abak k’ajóoltbil u túumbenil AppleTV, tu’ux yaan u páajtal u yila’al nu’ukbesajo’ob 4K (ultra alta definición) wa beyxan Apple Watch 3, ku tukulta’al yaan u páajtal u conectar ti’ señales moviles chéen beyo’, ma’ tsaj u yáax conectarta’al iPhone.

Apple yéetel Samsung beetik u jach nojochil smartphones ku beetiko’ob kex 12 yéetel 23 por ciento ti’ koonol, ba’ale’ táan xan u aktáanta’alo’ob tumen uláak’ mola’ayo’ob ti’ China, je’el bix Huawei, máax tu konaj asab ya’ab nu’ukulo’ob t’aan wa ku ke’etel yéetel le beyka’aj ko’on tumen Apple ichil u k’iinilo’ob verano, beey a’alab tumen u mola’ayil Counterpoint Research.