Ts’íibta'ab #facebookdown uchik u k’aschajal le kúuchilo

Jo'oljeak ja'atskab k'iin

Notimex
K'iintsil

Jueves 12 ti' octubre, 2017

Máaxo’ob k’a’abéekunsik Twittere’ tu ts’íibtajo’ob hashtag #facebookdown ti’al u k’a’aytiko’ob u kúuchil Facebook k’aschaj junsúutuk ti’ ya’abach lu’umo’ob ti’ yóok’ol kaab, beyxan México.

Ka tu chukaj las 10:20 ja’atskab k’iin tu Noj Kaajil México, káaj u k’aschajal jayp’éel ba’al ti’ le kúuchila’: ma’ tu páajtal u yila’al péektsilo’ob, mix tech u páajtal u k’a’ayta’al wa ba’ax, beyxan yanchaj máak mix páatchaj u yokoli’.

Máaxo’ob k’a’abéetkunsiko’ob Twittere’, tu ts’íibtajo’ob “yaan jayp’éel ba’alo’ob k’aschaj tu nu’ukbesajilo’ob meyaj Facebook, yaan tu’ux ma’ tu páajtal u ye’esa’al jayp’éel ba’alo’ob, yaan xan tu’ux ma’ tu páajtal u ye’esa’al mixba’al”

Ka’alikil uláak’ máako’obe’ tu ya’alajo’ob yanchaj junsúutuk ma’ páatchaj u yokol máak Instagram. U kúuchilo’ob oficial redes socialese’ ma’ u ya’alo’ob mixba’al yo’olal le talamilo’ob yanchajo’obo’.