de

del

Felipe Escalante Tió
Oochel Raúl Angulo Hernández
K'iintsil

Mérida, Yucatán
Viernes 6 ti' julio, 2018

U pik’il ju’unil [i]La Jornada[/i] Mayae’ táan u k’iimbesik óoxp’éel ja’ab káajak u meyaj, le je’ela’ u chan jt’uupil, tak walkila’, ti’ u nojochil [i]La Jornada[/i].

Tu káajbalile’, chéen ti’ Internet ku chikpajal u ts’íibil, tu winalil marzo ti’ u ja’abil 2015. Tu k’iinil 29 ti’ junio, láayli’ ti’ le ja’abo’, tu jóok’saj u yáax pik’il ju’unil, número cero, ts’o’okole’ p’él máanik jump’éel p’is k’iinile’, jóok’ u yáax númeroil.

Ka káaje’, chéen tu noj kaajil Jo’ k’i’itbesa’abij, ba’ale’ tu k’iinil 13 ti’ mayo ti’ u ja’abil 2016e’, káaj xan u k’i’itbesa’al San Francisco de Campeche, u noj kaajil Kaanpech. Ma’ xáanchaj ka káaj xan u k’i’itbesa’al Quintana Roo, tu’ux ku jóok’sik xan jump’éel edicióni’.

Wa yaan ba’ax chikbesik [i]La Jornada Mayae’[/i], u wáalil K’iintsil beetik, ts’íibta’an ich maaya t’aan, walkila’ yaan kex 800 mil u túul máak t’anik tu petenil Yucatán.

Ichil u k’iinilo’ob táan u beetchajale’, reporteros, jch’a’a oochelo’ob yéetel editorialista’obe’ yaan wa jaytúul chíimpolta’an yéetel jump’éel wa ba’ax, je’el bix Premio Estatal de Periodismo, tu k’iinil 7 ti’ Junio.

La Jornada Mayae’ ku jóok’sa’al lunes tak viernes, yéetel ku páajtal u xak’alta’al ti’ [a=https://]lajornadamaya.mx[/a].