La Jornada Maya
Oochel Enrique Osorno
K'iihntsil
Jo', Yucatán
Jueves 19 ti' septiembre, 2019
Mérida. Rigoberta Menchú, máax chíimpolta’ab tu ja’abil 1992 beey Premio Nobel de la Paz táan u táakypajal ti’ u múuch’tambalil 17 Cumbre Mundial de Premios Nobel de la Paz, káaj tu k’iinil bejla’a 19 ti’ septiembre yéetel yaan u ts’o’okol tak tu k’iinil 22. Te’e oochela’ xmáasewal ko’olele’ u búukintmaj jump’éel teerno si’ib ti’ tumen u lu’umil Yucatán, úuchik u taal ti’ u cha’anil Festival Internacional de la Cultura Maya tu ja’abil 2012.
Te’e k’iino’ob úuchik u ka’a taal Yucatáne’, k’áata’ab ti’ wa je’el u yóotik ka ch’a’abak u yoochel, Rigoberta Menchúe’ tu éejentaj ka beeta’ak, ba’ale’ yáax táanile’ bin jel u nook’, ba’ale’ le je’elo’, jump’éel ba’al ma’ suuk u beetiki’.
Tu k’iinil bejla’e’ Menchúe’ yaan u táakpajal ti’ u tse’ekil ts’a’ab u k’aaba’ beey Culturas Originarias y Paz Regional; Demografía Global, Personas en Movimiento, yéetel ti’ u tsikbalil Las Mujeres y la Paz, ti’ u kúuchil Centro Internacional de Negocios, yaan ti’ u noj kaajil Jo’.
