La Jornada Maya
K'iintsil
Ciudad de México
Martes 24 ti' septiembre, 2019
Táan u k’uuxil, Greta Thunberg juntúul xlóo’bayan yaan ti’ 16 ja’ab, takpoolnaj lunesil tu kúuchil ONU tu táan u jala’achilo’ob yóok’ol kaab, tumen táan u oobilta’alo’ob tumen mixba’al ku beeti ko’ob uti’al u xu’ulsiko’ob u k’askúunsa’al yóok’ol kaab.
Nueva York. Tu káajbal le múuch’ ku k’aaba’tik Cumbre de Acción Climática de Organización de Naciones Unidas (ONU), le xlóo’bayan sueca Greta Thunberg, leti’ máax ku ts’áak u yich ti’ le líik’saj t’aanil uti’al u kaxantpajal jump’éel toj óolal ti’ le yóok’ol kaabo’ tu k’áatchi’itaj ti’ jala’acho’ob much’ukba lo’ob te’ kúuchilo’: “bix a máan a beete’ex ba’al beyo’”.
Payalt’anta’ab uti’al u t’aan te’ Cumbre, Thunberg je’ex suukil u jach jets’maju tuukule’, chéen ba’ale’ te’ k’iino’ ok’om óol yanik tumen táan u k’uuxil, yéetel yayaj óolale’ tu ya’alaj aktáan le jaa’acho’obo’: “túumben kajnáalilo’ob le yóok’ol kaaba’... táan k paktike’ex”.
“Tuláakal ts’o’ok u k’astal. Tene’ ma’ unaj in yantal te’ela’. Bejla’aj táan in suut tin najil xooke’. Chéen ba’ale’ te’exe’ ka taale’ex tak éetel tumen to’on le alab óolalo’”, tu ya’alaj.
