La Jornada Maya
K'iintsil
Ciudad de México
Jueves 26 ti' septiembre, 2019
Le túumben xaak’alil tu beetaj Fiscalía General de la República (FGR) uti’al u kaxta’al le 43 xoknáalo’ob ti’ Ayotzinapa tu kúuchil pul ba’al Tepecoacuilco tak bejla’e’ mixba’al chíikpajaki’, beey tu ts’áaj k’ajóoltbil Felipe de la Cruz, juntúul u yuum le xoknáalo’ob saatalo’.
Táan u taal tu k’iin u chukik 5 ja’ab úuchuk, jun múuch’ láak’tsilo’ob yéetel t’u’ulpach máako’ob ti’ xoknáalilo’ob Normal Isidro Burgos, xíimbalnajo’ob miércolesil, jóok’ob te’ kúuchil ku ya’alal ti’ antimonumento ti’ xoknáalo’ob ma’
kaxta’ako’obi’ tak u k’uchulo’ob tu kúuchil FGR, tu’ux tu k’áatajo’ob ma’ u tu’ubsa’al tuláakal xaak’alil uti’al u yojéelta’al ba’ax úuchij.
