Reuters y Afp
Oochel
K'iintsil
Santiago, Chile.
Lunes 28 ti' octubre, 2019
Te’e k’iino’oba’, tu bejilo’ob Chilee’ táan u yu’ubal u muuk’il k’aay. Ti’ najo’ob yéetel k’íiwiko’obe’ ku babal u’uyal k’aayo’ob beeta’an tumen Víctor Jara yéetel Los Prisioneros, tumen leti’ ku k’a’ayal tumen kajnáalo’ob táan u líik’sik u t’aano’ob tujmen ma’ ki’imak u yóolo’ob yéetel ba’ax táan u beeta’al tumen u jala’achil le lu’umo’.
“Táakbesaba’ex ichil u yóok’otil u yalabil máako’ob. Mix máak bíin u jóok’so’on. Mix máak xan tu yóotaj u yáanto’on jach tu jaajil”, ya’abach máako’ob u’uyab u k’aay ka’alikil beeta’ab xíimbal líik’saj t’aan le viernes máaniko’, leti’e’ yáax asab nojoch xíimbalil ts’o’ok u beeta’al ti’ le andino lu’umo’. Ti’al kajnáalo’obe’, El baile de los que sobran jump’éel k’aay láayli’ kuxa’ane’.
K’aaye’ ts’íibta’ab tu ja’abil 1986, ka’alikil táan u beetik u jala’achil Pinochet -yaan chilenoilo’obe’ ts’o’ok u ketiko’ob kuxtal walkila’ yéetel le bix máanik te’e ja’abo’obe’- u k’aayil Los Prisionerose’ ts’o’ok u ch’a’abal ti’al u beeta’al líik’saj t’aan. Ts’o’okole’, kúuchilo’ob k’a’aytik péektsilo’obe’ tu ts’áajo’ob k’ajóoltbile’, ichil óoxp’éel k’iino’obe’, ts’o’ok maanal 37 mil u téenal u yu’ubal, tumen ka’ache’ chéen 12 mil u téenal naakal u yu’ubal ti’ kúuchilo’ob beetik [i]streaming[/i].
