Efe
Oochelo'ob Ap
K'iintsil
Los Ángeles, California
Miércoles 30 de octubre, 2019
Internet, u nojoch yóok’ol kaabil beetik u núup’ul ba’al ts’o’ok u jach jelbesik u kuxtal wíinike’, tu k’iimbesaj jo’oljeak martese’ 50 ja’abo’ob úuchik u síijil tu noj kaajil California, úuchak u yáax túuxta’al ka’ap’éel wooj tumen ka’atúul científicos te’e k’inako’obe’.
Ts’o’okili’ u yáak’abtal tu k’iinil 29 ti’ octubre ti’ u ja’abil 1969, ka’aj túuxta’ab tumen científico Leonard Kleinrock yéetel u yéet meyajo’ob ti’ Universidad de California Los Ángeles (UCLA) yáax k’uben t’aan yéetel u yáantajil jump’éel red tu káajsaj ba’ax k’ajóolta’ab beey u yóox jaatsil revolución industrial.
U najil xook Universidad de Stanford, ti’ p’aatal kex 500 kilómetros tu xamanil UCLA, tu k’amaj ti’ uláak’ jump’éel computadora jump’éel k’uben t’aan túuxta’ab tu’ux chéen ka’ap’éel wooj ts’íibta’ani’: "LO".
