La Jornada Maya
Oochel Reuters
K'iintsil
Viernes 20 ti' marzo, 2020.
Italia
“Tajan ya’ab saajkil yéetel chi’ichnakil yaan ichilo’on, ts’o’okole’ ya’ab ba’al táan u k’éexel, le beetike’ k’a’abéet u ts’a’abal k’ajóoltbil jach ba’ax le k’a’abéet u yojéelta’alo’, tumen tuusil péektsilo’obe’ chéen ku beetik u péek u yóol máak. Beyxan je’el u beetik ka yanak máak ka u beet loobilaj wa ka lúubuk u yóol”, beey tu ya’alaj Elías Alfonso Góngora Coronado, máax jo’olbesik Centro de la Felicidad y Bienestar ti’ Universidad Autónoma de Yucatán.
“Jump’éel nojoch páajtalil le ba’ax táan u yúuchula’, tumen kex coronaviruse’ ma’ jump’éel ba’al ti’al u seten ki’imaktal k óole’, táan u yúuchul ti’ k kuxtal, ba’ale’ ku beetik k tuukul yéetel jump’éel páajtalil ti’al k tukultik to’on beey wíiniko’one’ ba’ax táan k beetik yéetel ba’ax le ku yúuchul yéetel le uláak’o’obo’”; beey tu ya’alaj úuchik u k’a’ajsik u Máank’inal Ki’imak Óolal, bejla’a 20 ti’ marzo.
