K'iintsil
Oochel: Captura de pantalla
Ciudad de México
Lunes 20 de abril, 2020
Wa ka’ach kuxa’an Nureyeve’, je’el u jach ki’imaktal u yóol wa ka k’uchuk u yil meyaj tu beetaje’ ts’a’aban u yóol yéetel tecnología, u yóol jats’uts’ ts’íib yéetel drama shakespieranoile’ ku k’i’itpajalo’ob ichil u k’iinilo’ob cuarentena.
Ki’iki’ óolte’ex ajxooke’ex, u ki’ichkelemil le ba’ax beeta’aba’: “Dire merci-Message de soutien du Ballet de l’Opéra national de Paris”. U ti’al u ts’a’abal u níib óolalil ti’ tuláakal máaxo’ob ku meyajo’ob ti’ kúuchilo’ob koonol, ajxak’al xooko’ob, ajts’ak yajo’ob, kolnáalo’ob, ajmeyajo’ob, ajts’íib péektsilo’ob yéetel tuláakal máaxo’ob “ku yantal u péeko’ob tu yóok’lal tuláakal máak yéetel tuláakal ba’al”.
[b]Versión en español[/b]: [a=https://www.lajornadamaya.mx/2020-04-20/Opera-de-Paris-recrea--Romeo-y-Julieta---online-]Opera de París recrea 'Romeo y Julieta' 'online'[/a]
Yéetel u ts’íibilo’ob #RestezChezVouz, #StayHome (beyxa: #QuédateEnCasa), tu much’aujuáajo’o 36 u túul u aj óok’otilo’ob Ópera Nacional de París ti’al u beetiko’ob jump’éel kóots cha’an yóok’lal u ts’íibil [i]Romeo y Julieta[/i], ts’íibta’ab tumen Shakespeare yéetel beeta’an u paaxil tumen Chaikovski; ba’ale’ le jbeeta’ab te’e k’iio’oba’, ma’alo’obkúunsa’al yóok’lal ba’ax ku k’a’ata’al tumen le k’iino’oba’: u meyajil Prokofiev.
Cha’an beeta’abe’ jump’éel tsol óok’otil beeta’ab tumen Rudolf Nureyev (1938- 1993) ichil múuch’il Ópera Nacional de París tu ja’abil 1984.
