Juan Manuel Contreras Y María Briceño
Oochel: Enrico Nawrath / Fundación Elisa Carrillo Cabrera A.C.
K'iintsil
Mérida, Yucatán
Viernes 22 ti' mayo, 2020
Jach ma’ ya’ab u bin u káajal u yóoxtéen cha’anil Danzatlán, xchíimpolta’an óok’ot, Elisa Carrillo Cabrera, táan u jach ts’áak u yóol u yil wa laj uts ba’al ti’al u káajal cha’an tu’ux yaan u ye’esik its’at ba’ale’ beyxan náaysaj óol je’el u páajtal u beeta’al ka’alikil táan k’alabil yóok’lal u k’oja’anil COVID-19.
X-óok’ote’, tu tsikbaltaj bix ken úuchuk ba’al ti’ Festival Internacional de la Danza en un click, Danzatlán, tumen ma’ táan u páajtal u bin máak ti’ kúuchilo’ob balts’am. Walkila’ máaxo’ob ku cha’ano’obe’ ti’ yano’ob tu paach jump’éel máaben cha’an, ti’ Internet.
Je’el bix suuk u yóok’ot sáansamal ti’al ma’ u tu’ubul ti’ ba’ax u kanmaje’, beeyxan úuchik u tukultik bix ken úuchuk Danzatlán: “taak ka’ach kk’uchul yiknal máak, ba’ale’ ka’aj t-ilaj ba’ax le ku beeta’al ti’ Interneto’, leti’ ka’aj ttukultaj taak xan kmáansik wa ba’ax.
