Yaan u k'áatchita'al máak ti' México yo'olal péech'óolal

Yáax juntéen u beeta'al

Notimex
Oochel Rodrigo Díaz Guzmán
K'iintsil

U noj lu'umil México
Viernes 25 ti' agosto, 2017

Lik’ul 21 ti’ agosto máanik, tak 13 ti’ octubre ti’ le ja’aba’ yáax juntéen u beeta’al tumen u mola’ayil Instituto Nacional de Estadística y Geografía (INEGI) u k’áatchi’il Encuesta Nacional sobre Discriminación (Enadis) 2017.

Mola’ay tu ya’alaj Enadise’, yaan u táakbesa’al ti’ Sistema Nacional de Información Estadística, tu’ux ku kaxanta’al u yantal jejeláas ba’alo’ob tia’al ka béeyak u p’i’isil beyka’aj u nojochil, ba’axten ku yantal yéetel bix u yantal péech’óolal tu noj lu’umil México.

Meyaje’, táan u múul beeta’al tumen Consejo Nacional para Prevenir la Discriminación (Conapred), INEGI, Comisión Nacional de los Derechos Humanos (CNDH), Universidad Nacional Autónoma de México (UNAM) yéetel Consejo Nacional de Ciencia y Tecnología (Conacyt).

Ti’ Enadis 2017, tukulta’an u k’áatchita’al 39 mil najo’ob ti’ mejen yéetel méektan kaajo’ob ti’ u 32 noj lu’umilo’ob México, yaan u ts’áak u páajtalil u k’ajóolta’al ba’ax ku tukulta’al yéetel bix u na’ata’al péech’óolal tumen kaaj.

Beey túuno’, yaan xan u much’kíinsa’al uláak’ ba’alo’ob yaan ba’al u yil yéetel talamilo’ob ku máansik máak le ken yanak péech’óolal, ich láak’tsilil, meyaj, xook, ichl uláak’ kúuchilo’ob.

U mola’ayil INEGI tu ya’alaj ti’ jump’éel k’a’aytajil ts’íib, péech’óolale’ ma’ chéen jump’éel talamil ku loobiltik mejen múuch’kabil wíinik, ku loobiltik u ya’abach kajnáalo’ob ti’ le noj lu’uma’.
__________________________________________

Levantarán encuesta sobre discriminación en México por primera vez

El Instituto Nacional de Estadística y Geografía (INEGI) levantará por primera vez la Encuesta Nacional sobre Discriminación (Enadis) 2017, del 21 de agosto al 13 de octubre de este año.
El organismo informó que la Enadis, que formará parte del acervo del Sistema Nacional de Información Estadística, busca generar información para medir la magnitud, causas y expresiones de la discriminación en México.

El proyecto es producto de la alianza del Consejo Nacional para Prevenir la Discriminación (Conapred), el INEGI, la Comisión Nacional de los Derechos Humanos (CNDH), la Universidad Nacional Autónoma de México (UNAM) y el Consejo Nacional de Ciencia y Tecnología (Conacyt).

La Enadis 2017, con una muestra de 39 mil viviendas distribuidas en zonas rurales y urbanas de las 32 entidades federativas del país, permitirá conocer las prácticas, percepciones y actitudes de la población mexicana respecto a este problema social.

Además, recolectará información relativa a las principales problemáticas y experiencias de discriminación en los ámbitos familiar, laboral, educativo y público, entre otros, de grupos históricamente segregados como las mujeres, niñas y niños, adolescentes y jóvenes, personas mayores, con discapacidad, e indígenas y con diversidad religiosa.

El INEGI señaló en un comunicado que la discriminación no solo es un fenómeno que afecta a grupos en condición de vulnerabilidad minoritarios y específicos, sino también a millones de personas en el país.

Esto se refleja en la vulneración de derechos de personas, que implica un diferencial de oportunidades y de logros personales, y constituye uno de los grandes retos nacionales, puesto que afecta al desarrollo y a la prosperidad del país, agregó.