Ts'íib yéetel oochel Raciel Manríquez
K'iintsil
Tihosuco, QRoo
Jueves 18 ti' mayo', 2017
Noolo’obe’, tu tsikbaltajo’ob ba’ax ku báaxtiko’ob ka’ach tu paalilo’ob. Nu’ukul yéetel le ku náaysik u yóolo’ob, ts’o’okole’ nu’ukulo’ob tia’al meyaj xan, le beetik t-tukultaj ma’alo’ob ka k-beet tia’al k-e’esiko’ob, tu ya’alaj Carlos Chan Espinoza, máax jo’olbesik u kúuchil e’esajil Guerra de Castas, tu kaajil Tihosuco, Quintana Roo, tumen táan u beeta’al u cha’anil [i]Festival de Cultura del Caribe[/i] (Fecuca 2017).
Táanil ti’ u ye’esajil báaxalo’obe’, jbeeta’ab u ye’esajil janalo’ob suuk u beeta’al ti’ le lu’uma’. U ko’olelilo’ob Tihosuco máak’tant le janalo’obo’, ma Felipa, Antonia, Beatriz, Norma, ichil uláak’o’ob, tu beetajo’ob chaay, je’ yéetel chaay, ti’ mix jump’éel janal k’a’abéetkunsa’ab bak’; leti’e’ suuk u jaanta’al ti’ maaya lu’um.
Paalal cha’anaje’, tu kanajo’ob bix úuchben báaxalo’ob ku beeta’al yéetel che’, ts’o’okole’ yaan ku k’a’abéetkunsa’al tumen nojoch máak ka’ach kéen xi’ik ich kool. Je’el bix le ku k’aaba’tik ok che’, ka’anal che’ yéetel le ku xíimbal máak le kéen ka’anachajak ja’, kéen k’áaxak cháak. Uláak’ jump’éel leti’e’ xkáarrete che’ wa kaarro che’, le je’elo’ beey jump’éel kis buuts’ ku beeta’al tia’al u máansa’al ba’al wa u na’akal máak yóok’ol. Úuchben báaxal súuk u beeta’al ka’ach úuchij, ts’o’okole’ k’a’anan u k’ajóolta’alo’ob tia’al ma’ u tu’ubsal.
Ba’ax jaanta’abe’ jach ki’ichaj tu chi’ máax béeychaj u túuntiko’ob, ts’o’okole’ báaxalo’obe’ tu náaysaj u yóol máak, ka’alikil jach che’ejtab bix u báaxta’al ok che’ yéetel xkáarrete che’. Jaaj u ya’alal mix bik’in u ch’éenel k paalil, je’ex u ya’alal tumen u yúuchben t’aanil k ch’i’ibalil.
_____________________________________________
[b]Los jueguetes de los abuelos[/b]
Los abuelos nos contaron cuáles eran los juguetes con los que se divertían cuando estaban pequeños. Eran instrumentos para la diversión y también herramientas de trabajo. Entonces nos pareció buena idea reproducirlos, y he aquí una muestra”, comentó Carlos Chan Espinoza, director del museo de la Guerra de Castas, en Tihosuco, dentro de la actividad que se realizó con motivo del [i]Festival de Cultura del Caribe[/i] (Fecuca 2017).
También se llevó a cabo una muestra de comida típica de esta región, con la participación de doña Felipa, Antonia, Beatriz, Norma, entre otras vecinas de Tihosuco, que cocinaron alimentos comunes en la región maya.
La gente que se acercó tuvo la oportunidad de acercarse al pasado y aprender de instrumentos hechos de madera, que se usaban con doble intención, pues los abuelos se divertían con ellos y a su vez los usaban como zancos en espacios como la milpa. Algunos de ellos son el ok che’ y el káarrete che
