La Jornada Maya
Oochel Afp
K'iintsil
Barcelona
Lunes 2 ti' octubre, 2017
Jala’ach inependentista cataláne’ tu k’a’aytaj lunes táan u taal u píik’ile’, béeychaj u jóok’siko’ob táanil referéndum tu’ux ku k’áata’al independencia, ba’ale’ uchik u beeta’ale’ sáasilchaj mina’an a’almaj t’aan táakmuk’tik yéetel ts’o’okole’ tu yoksubáaj aj kanan kaajo’ob ti’al u kaxta’al ma’ u beeta’ali’.
Ti’ yéeytambale’ táakpaj 5.3 miilonesil máako’ob, registrarta’ab 2.26 millonesil ju’uno’ob tu’ux 2.02 (u 90 por cientoile’) millonese’ tu ya’alaj ma’alo’ob uti’alo’ob, beey tu ts’áaj k’ajóoltbil ejecutivo le baantao’, Jordi Turull.
Barcelona. U jala’achil Catalunya, Carles Puigdemont, jk’uch 10:30 áak’ab ti’al u k’a’aytik jump’éel ba’al je’el u beetik u k’expajal u k’ajla’ayil le kaajo’: le ken ts’o’okok u xo’okol yéeyajilo’obe’, yaan u k’u’ubul ba’ax jóok’ yiknal Parlamento catalán ti’al je’ets’el ba’ax yaan u yúuchul. “Ts’o’ok knáajaltik ka súutko’on jump’éel kaaj jáalk’ab yéetel ka béeyak u jets’ leti’ bix u k’áat u jala’achil”, tu ya’alaj.
Puigdemont t’aanaj uchik u beeta’al “loobilaj”, “u je’ets’el u muuk’” yéetel “ma’ u ch’a’abal óotsil” tumen jala’ach u lu’umil España uhcik u beeta’al operativo tumen aj kanan kaajo’ob, tu’ux loobilta’ab kex 900 u túul máak, ts’o’okole’ tu jets’aj beey uchik u ts’íitpajal jump’éel “boox wáalal” tu k’ajla’ayil le kaajo’oba’.
“Noj Lu’ume’ tu beetaj ba’ax suuk ti’: loobilaj yéetel pech’óolal, ts’o’okole’ táan u beetik kex tána kkuxtatik siglo XXI”, tu ya’alaj Puigdemont, máax tu k’áat óoltaj Europa ti’al u yu’ubik ba’ax ku ya’alik catalán kaaj, yéetel ti’al u beeta’al ba’ax ku je’ets’el tu a’almaj t’aanil u páajtalil kaaj, yanchaj uchik u patjo’olta’an UE.
“Ts’o’ok knáajaltik ka u’uyako’on, ka chíimpolta’ako’ob yéetel ka k’ajóolta’ak máaxo’oni’. Unaj u béeytal ksúutul jump’éel ch’a’akab kaaj yéetel jumpáay ti’ jump’éel Noj Lu’um ma’ táan u béeykunsik u beetik yaanal ba’ax, chéen u muuk’ ku k’a’abéetkunsik. Cataluña ts’o’ok u náajaltik u jatsikubáaj yéetel ka chíimpolta’ak. Ts’o’okole’ kanáalo’ob máax beet u ka yanak jump’éel noj lu’um ich jets’ óolal yéetel tu’ux ka laj táakpajak kaaj”.
____________________________________________________
[b]Ganó el sí a la independencia con 90 por ciento de votos: gobierno catalán[/b]
El gobierno independentista catalán anunció el lunes de madrugada una victoria del sí en el "referéndum" de independencia prohibido, cuya celebración estuvo marcada por la falta de garantías y la intervención de la policía para intentar impedirlo.
De un censo electoral de 5.3 millones de personas, se registraron 2.26 millones de papeletas de las cuales 2.02 (90 por ciento) millones votaron por sí, informó el portavoz del ejecutivo regional, Jordi Turull.
