Sputnik
Oochel: Instagram @nikkietutorials
K'iintsil
Los Ángeles, California
Miércoles 15 de enero, 2020
[i]X youtuber[/i] neerlandesail Nikkie de Jager, k’ajóolta’an beey NikkieTutorialse’ tu ts’áaj k’ajóoltbil jump’éel túumben cha’an jach jela’an ti’ suuk u na’aksiko’obo’. [i]X influencere’[/i] tu k’a’aytaje’ leti’e’ juntúul transjeeneróo ko’olel.
Ti’ cha’an tu ts’áaj k’ajóoltbile’, Nikkie, máax k’ajóolta’an tumen ku ka’ansik máak u bonik u yich, tu tsikbaltaj tu jets’aj bin u k’a’aytike’ leti’e’ juntúul transjeeneróo ko’olel tumen yanchaj máax oks saajkil ti’ úuchik u ya’alale’ yaan bin u tsikbalta’al u kuxtal ti’ kúuchilo’ob k’a’aytik péektsilo’ob.
"Bejla’e’ wey yanen ta wéetele’ex ti’al in tsikbaltikte’ex jump’éel ba’al úuch taakak in wa’alik te’ex, ba’ale’ taak in beetik je’el bix in k’áat ka’acho’, ba’ale’ walkila’ míin táan u to’okolten u páajtalil in beetik beyo’. Le beetik bejla’e’ táan in ch’a’ajo’oltik in beel, leten k’a’abéet in wa’alikte’ex jump’éel ba’al”, beey úuchik u tsikbaltik Nikkie, tu káajbal le cha’ano’.
Leti’e’ tu tsikbaltaje’ tu chéen kuxlaj je’el bix tu tukultaj u k’áatij, x ma’ k’aabai’.
“Walkila’ u súutukil in wa’alik yéetel in jáalk’abtik tuláakal ba’al. Ka’ach asab táankelemene’, síijen ichil jump’éel wíinkilal ma’ unaj u yantal teni’, le beetik tene’ transjeeneroen, beey tu k’a’aytaj Nikkie.
U kúuchil YouTube Nikkiee’ t’u’ulpachta’an tumen 12,7 millonesil máako’ob. Cha’an tu’ux ku k’a’aytik transjeeneróo ko’olele’ ts’o’ok u yila’al maanal ti’ 16 millones u téenal.
