de

del

La Jornada Maya
Oochel
K’iintsil

Jueves 16 ti’ noviembre, 2017
Madrid.

U cha’anil Pixar [i]Coco[/i], jóok’sa’an u nooyil tu k’iinil Pixano’ob tu lu’umil Méxicoe’, ts’o’ok u líik’il beey u cha’anil asab ya’ab máak ts’o’ok u yilik ti’ tuláakal le ts’o’ok u yantalo’ob te’e noj lu’uma’. Ts’o’ok u ko’onol maanal ti’ 15 millones u ju’unilo’ob u yokol máak u cha’antej, beey je’ets’ik tumen Walt Disney.

Cha’ane’ ku ye’esik u kuxtal juntúul xi’ipal ku k’áat óoltik u betik u jpaaxil ba’ale’ ichil u baatsile’ jach leti’e’ paax ma’atáan u cha’abal u beeta’al; tak walkila’ ts’o’ok u múuch’kíinsa’al maanal ti’ 31 millonesil euros (óoli’ 37 millonesil dólares) chéen tu lu’umil México lik’ul u k’iinil uchik u ts’a’abal k’ajóoltbil, 27 ti’ octubre máaniko’. Maanal ti’ óoxp’éel millonesil máak bin u cha’ant tu yáax fin de semanail jóok’ok.

Te’e cha’ana’ táakpaj Gael García Bernal, máax tu ts’áaj u t’aanil Héctor, máax ku láak’intik chan xi’ipal ka’alikil u máan le cha’ano’.

Cha’an xane’ yaan uan u ts’a’abal k’ajóoltbil España tu yáax k’iinil diciembre, ts’o’okole’ u náajaltmaj u chíimpolalil Premio Cervantes Elena Poniatowska.