de

del

La Jornada
Oochel Cuartoscuro/Archivo
K'iintsil

Jueves 12 ti' octubre, 2017
Miami.

Ichil u 75 por cientoil tuláakal kaab ku beeta’al yóok’ol kaabe’, kaxta’ab u yalabil pesticidas tóxicos ku k’a’abéetkunsa’al yéetel u yik'el kaab, le beetik yanchaj sajbe’entsil ichil máaxo’ob meyajtik kaab.

Xak’alta’ab 198 u jejeláasil kaab ku beeta’al yóok’ol kaab, ba’ale’ u yalabil pesticida kaxta’abe’ ma’ sajbe’entsil ti’ wíinik. Ts’o’okole’ ma’ tu píitmáansik u xookil jets’a’an ku páajtal u yantal tumen Unión Europea, beey jts’a’ab k’ajóoltbil jueves máanik tumen u pik’il ju’unil [i]Science.[/i]

Ka’a jts’o’ok u yila’al ti’ tuláakal kaab xak’alta’abe’, chikpaj kex 34 por ciento ti’ le je’elo’ “p’aatal neonicotinoides ojeláan ku beetik k’aas” ti’ kaab, aj xak’al xooko’obe’ ku ya’aliko’ob u yantal le pasticida je’ela’ ku beetik u yantal u sajbe’entsil u ch’éejel u yik’el kaab.

“Le ba’ax táan u chikpajala’ jump’éel ba’al sajbe’entsil”; tu ya’alaj Chris Connolly, aj xak’al xook yo’olal neurobiología ti’ u noj najil xook Universidad de Dundee, leti’ máax beet le ts’íibo’.

_______________________________________________

[b]Hay pesticidas tóxicos de abejas en 75 por ciento de la miel del mundo[/b]

Trazas de pesticidas tóxicos usados contra las abejas fueron detectadas en 75 por ciento de la miel producida en el mundo entero, provocando inquietud por la supervivencia de estos polinizadores cruciales para la agricultura.

Las concentraciones encontradas en 198 muestras de miel producidas en todo el mundo no son consideradas peligrosas para los seres humanos. De hecho, son inferiores al límite superior autorizado por la Unión Europea, según el estudio publicado el jueves en la revista Science.

Después de haber constatado que 34 por ciento de las muestras contenían "concentraciones de neonicotinoides que se sabe que son dañinas" para las abejas, los científicos advirtieron que la exposición crónica a estos pesticidas amenazaba la supervivencia de estos pequeños insectos.

"Estos descubrimientos son alarmantes", dijo Chris Connolly, un experto en neurobiología de la Universidad de Dundee, autor de un artículo que acompaña la publicación del estudio.