de

del

Chiles en nogada, u jaanalil u winalil patrio

Chiles en nogada, platillo del mes patrio
Foto: Raúl Angulo Hernández

Jaanal ku beeta’al yéetel iik, ku k’aaba’tik chile en nogada, jump’éel ti’ le jach k’aajóolta’an suuk u beeta’al ti’ México, ts’o’okole’ ti’ le k’iino’oba’ yaan u káajal u beeta’al tia’al máaxo’ob ku yu’ulo’ob ti’ Hotel Misión, ichil u ka’atéen cha’anil Festival de Chiles en Nogada.

“Jach kaláantbil u beeta’al le janala’ tumen k’a’abéet u jach ila’al ka laj jóok’ok tu beel”, beey tu ya’alaj chef ti’ Hotel Misión Mérida Panamericana, Hugo Hernández. Janale’, ku k’a’abéetkunsik maanal ti’ junk’aal u xa’ak’il, ichilo’obe’ ti’ yaan k’an durazno, manzana, ja’as yéetel juch’bil bak’, le janala’ jach ki’ tu chi’ mexicanos. 

Ti’ jump’éel k’áat chi’ tsikbal tu beetaj yéetel[i] La Jornada Maya[/i], chef Hugo Hernández tu ya’alaj jach talam u kaxta’al nuez, tumen k’a’anan óol túumben táan u k’a’abéetkunsa’al, wa ma’ tija’an kéen ts’a’abake’, ma’ patal tia’al le janalo’. 

Tu ya’alaj chiles en nogada ku beeta’al tu kúuchil Hotel Misión ku beeta’al yéetel nuez ku taasal ti’ Puebla. 

Chef tu tsikbaltaje’, tia’al ma’ u páaptal janale’, k’a’anan u láaj jóok’sa’al u ts’u’ le iiko’ beyxan u p’o’obol yéetel azúcar yéetel ja’.
Tu ya’alaj ma’alo’ob xan wa ku láak’inta’al yéetel u sak vino. 

Yaab tsikbalo’ob yaan yo’olal tu’ux u taal le janala’. Ba’ale’ ku ya’alale’ monjas agustinas ti’ Puebla, tu yáax beetajo’ob le janala’ tia’al u tséentiko’ob u múuch’bate’elil máako’ob tu yáantajo’ob Agustín de Iturbide.

Le janala’ ku beeta’al ti’ Hotel Misión Mérida Panameridcana, yaan tu k’íiwikil u noj kaajil Jo’, tak tu k’iinil 30 ti’ septiembre, yaan u tojoltik 190 pesos.