Afp, Dpa y Reuters
Oochel Afp
K'iintsil
Jo’oljeak j-úuch ka’an jump’éel ba’al ma’ sáansamal u yila’ali’: u chi’ibil k’iin. Tu noj lu’umil Mëxico, yéetel ti’ uláak’ lu’umo’obe’ jbeeta’ab jejeláas mejayo’ob tia’al ka béeyak u cha’anta’albix uchik u máan uj tu chúumukil K’iin yéetel Yóok’ol Kaab, jump’éel ba’al ma’atáan u séen úuchul tuka’atéen.
Yanchaj u máan 99 ja’abo’ob tia’al ka béeyak u cha’anta’al tuka’atéen jump’éel ba’al je’el bix le je’ela’, ts’ook las 18 horas 48 GMT, 14 horas 48 ti’ k noj lu’umil, u k’iinil jo’oljeak lunes.
Chikpaj tu beel tu lu’umil Estados Unidos, yanchaj kex 12 millones wíinik cha’antik te’e lu’umo’, yéetel yanchaj uláak’ máako’ob bino’ob te’elo’ chéen tia’al u cha’antiko’ob. U mola’ayil NASAe’ tu béeykunsaj u ts’áak cha’antbil ka’alikil táan u yúuchul ti’ jejeláas kúuchilo’ob.
U ts’ook u téen ka j-ila’ab u chi’ibil k’iin je’ex le yanchaj jo’oljeako’, j-ila’ab lik’ul tu ja’ilo’ob Pacífico tak tu ja’il Atlántico, úuch tu ja’abil
1918.
