Ts'íib yéetel oochel Afp
K'iintsil
España
Jueves 4 ti' agosto, 2017
Máax beetik asesori ti’ aj báaxal Neymar, Wagner Ribeiro, tu ya’alaj yaan u bo’ota’al Barcelona tumen París Saint-Germain u tojol 222 millonesil euros tia’al ka béeeyak u yantal yiknalo’ob le aj báaxalo’; bo’ole’ yaan u beetik “ma’ táan u xáantal” yéetel ma’ xaan ka ts’a’abak k’ajóoltbil “tia’al u ts’o’okbal semana”.
RIberiro tu k’a’aytaj le je’ela’ ka’alikil u láak’inta’al tumen Neymar yéetel u yuum tu aeropuertoil Barcelona. Aj báaxale’ tu ya’alaj ti’ u yéetel báaxalo’ob yéetelj ti’ máaxo’ob jo’olbesik Barça, táan u beetik beyo’ tia’al ka béeyak u jóok’ol ti’ le múuch’báaxalo’.
[b]
Ku ts’ook túuxtik ts’íib Messi ti’ Neymar[/b]
Aj báaxal ti’ FC Barcelona Leo Messi, sijnáal ti’ Argentina, tu na’aksaj jo’oljeak miércoles jump’éel kóom cha’an tu kúuchil Instagram tia’al u ts’ook t’aan yéetel Neymar, uchak u yantal u k’e’exel tu múuch’báaxalil París Saint-Germain. Leti’e’ tu beetaj uchik u yojéeltik yaan u jóok’ol aj báaxal sijnáal ti’ Brasil.
Te’e cha’anilo’ ku páajtal u cha’anta’al oochelo’ob tu’ux ku chikpajal tu ka’atúulalo’ob yéetel u nook’il Barça, tu ya’abil oochelo’obe’ táan u ki’imak óolalo’ob, táan u k’iimbesajo’ob. Tu ts’ook oochelile’ ku chikpajal Ney ka’alikil táan u k’iimbesaj
Maanal ti’ jump’éel millón yéetel uláak’ táanchúumuk máak cha’anta’ab ichil chéen media hora na’aksa’anil, ka’alikil yanchaj óoli’ táanchúumuk millón ti’ “me gusta” yéetel maanal ti’ 36 mil u p’éel kóom ts’íibo’ob ti’ máaxo’ob t’u’ulpachtik Messi.
Neymare’ ku báaxal ti’ Barcelonaa lik’ul 2013, yéetel ma’ táan u xáantal ken k’uchuk París Saint-Germain.
