Hubert Carrera Palí
Oochel Robin Canul
K'iintsil
San Francisco de Campeche
Martes 18 ti' julio, 2017
Chéen maanal ti’ 5 mil máak láayli’ ku t’anik maaya, u xu’ulul u t’ana’ale’ jach ya’ab, beey tu ya’alaj máax jo’oliktik [i]Comisión para el Desarrollo de los Pueblos Indígenas (CDI)[/i], Pedro Armentia López, ti’ Campeche.
beeyxan tu ya’alaj táan u xu’upul [i]24 millones de pesos[/i], lela’ waxake’ utia’al u ts’a’abal ma’alob janal yéetel najil xook ti’ mejen paalal, waklajune’ utia’al u beeta’al ka’ap’éel kúuchil utia’al mejen paalal, jump’éel le je’ela’ tu kaajil Calakmul.
Tu ya’alaj xane’ ma’ tu loobilta’al tumen [i]CDI[/i] mix tu yoksikubáaj ti’ le k’áat chi’ ku beeta’al tumen maaya’ob tu yo’ok’sal u pa’ak’al wa u xu’ulsa’al u pa’ak’al [i]soya trangénica[/i]. Beey tu ya’alajo'.
[i]Comisión para el Desarrollo de los Pueblos Indígenas[/i], u meyaje’ u ts’áak áantaj [i]legal[/i] yéetel [i]jurídico[/i] tumen leti’ u meyaj, tu ya’alaj máax jo’olintik le mola’ayilo’.
Beeyxan tu ya’alaje’ le [i]Secretaría de Agricultura, Ganadería, Desarrollo rural, Pesca y Alimentación (Sagarpa)[/i] ts’o’ok u k’ubik nu’ukulilo’ob utia’al u pa’ak’al nal yéetel utia’al u meyajta’al kaab, le je’ela’ tumen tu líik’saj u t’aano’ob le pisk’iin máan tu jool le kúuchilo’.
Le máax jo’olintik [i]CDI[/i] tu kaajil Campeche tu ya’alaj le noj áantaj ku beetik u ja’alachil le lu’umo’ lela’ utia’al u ma’alobkunsa’al u kuxtal maaya kaajo’ob.
