Agencia SIM
K'iintsil
Felipe Carrillo Puerto, Quintana Roo
Lunes 10 ti' julio, 2017
U múuch’kabil meyaj [i]Lol Chakaj[/i] tu kaajil Tihosuco, tu beetaj jumpé’el k’uub le je’ela’ utia’al u káajal u t’o’okol pitahaya, ku pa’atiko’ob u kaxtiko’ob kex ka’ap’éel tonelada ti’ jump’éel hectárea, je’el bix tu ts’áaj ojéeltbil Armando Poot Chablé leti’ máax jo’olintik u pa’ak’al pitahaya.
Tu payt’antaj jo’olpopilo’ob yo’ok’sal u yiliko’ob ba’ax le ku meyajtiko’bo’, ku pa’atiko’ob u ch’a’ak u muuk’ le meyaja’ ichil jump’éel ja’ab.
Tu tsolaj u tuukulil u meyajta’al le pitahayao’ maanal ti’ 150 hectáreas tux táakpaja’an maanal ti’ 70 kolnáalo’ob ku taalo’ob tu kaajilo’ob Sabán, X-Cabil, Tepich, Tihosuco yéetel Santa Rosa.
Much’ukbalo’ob naats’ tu kaajil Tihosuco, Poot Chablé tu ya’alaj le tu’ux much’ukbalo’obo’ ti’ ku beetbil jump´éel kúuchill tu’ux kun k’ambil u yich le paak’áalo’, le je’ela’ yaan un taasik meyaj ti’ xiibo’ob yéetel ko’olelo’ob.
