de

del

Agencia SIM
K'iintsil

Felipe Carrillo Puerto, Quintana Roo
Martes 11 ti' julio, 2017

Yaan u ts’a’abal k’ajóoltbil jump’éel chíikulal utia’al u k’a’asa’al ajpaax Vicente Ek Catzín, máax tu p’ataj jump’éel k’ajla’ay tu yo’ok’sal mayapax, máax kíim tu k’iinil 26 tu wináalil marzo te’ ja’aba’.

Yuum Saturnino Ek juntúul ti’ u yáabilo’ob [i]Don Vis[/i] leti’ máax ts’áaj k’ajóoltbil ti’ le k’iino’oba’ yaan u beeta’al le noj k’iimbesaja’ tumen u mola’ayil Comisión Nacional para el Desarrollo de los Pueblos Indígenas (CDI) lela’ utia’al u k’a’asa’al u ajpaaxil mayapax.

Yuum Vicente ku k’a’ajsa’al tumen leti’e’ u yojel maanal ti’ 50 p’éelal paax ti’ mayapax, ichil ti’ tuláakal le u yojelo’oba’ yaan óok’otbili’ je’el bix [i]Fandango, X’pichito, Jarabe Do, Olan de China, P’iktah Us, Kala’n son, Kolomte’, Algaripolla, Baach, Ch’om[/i]; beeyxan le kili’icho’obo’ je’el bix: [i]Pastoras, la Azucena, Cabeza de cochino, Aires[/i] yéetel [i]la Danza Toro[/i].