Merry MacMaster
Oochel Gerardo Jaso
K'iintsil
U noj lu'umil México
Martes 4 ti' julio, 2017
Aj boon José Luis Cuevas tu pe’etaj u kuxtal tu kiinil jo’oljeak, tu k’iimbesaj 86 u ja’abil le 26 ti’ febrero máaniko'. Jach k’ajóolta’ab tumen tu káajbal u meyaje’, tu jach ketaj meyaj ts’o’okili’ u káajal u beeta’al tumen muralistas yéetel tumen Escuela Mexicana de Pintura. Tu ts’ook ja’abilo’ob u kuxtal Cuevase’ kajlaj tu yotoch yaan San Ángel, náach ti’ u paakat máako’ob, óol ich tu’ubsajil.
Ja’ab máanike’, u kúuchil Galería Oscar Román tu beetaj jump’éel e’esajil tu’ux j-e’esa’ab junmúuch’ ti’ u meyaj tu’ux táakbesa’ab ba’ax tu beetaj tu káajbal u meyaj tu ja’abilo’ob 50 ti’ siglo máaniko’. Tu ja’abil 1992 jts’a’ab k’ajóoltbil u kúcuhil e’esajil jts’a’ab u k’aaba’, tu K’íiwikil u noj kaajil México, tumen táan ka’ach u liik’sikubáaj tia’al u k’iimbesik 25 u ja’abil. Ti’ yaan jump’éel ti’ u noj meyajil ku k’aaba’tik [i]La Giganta[/i], wakp’éel metros u ka’analil ts’o’okole’ beeta’an yéetel bronce.
U yoochel kíimile’, ma’ túumben tia’al aj booni’. Tu ja’abil 1973 yanchaj u je’elsikubáaj tumen yanchaj k’oja’an tu puksi’ik’al. Yo’olal le je’elo’ jbeea’ab u áanalte’il [i]Confesiones de José Luis Cuevas[/i], tumen Alaíde Foppa. Tu ja’abil 1981 tu k’amaj u chíimpolal Premio Nacional de Ciencia y Artes tu kúuchil Bellas Artes.
