La Jornada Maya
Oochel Comunicación Sedeculta
K'iintsil
Jo', Yucatán
Lunes 24 ti' abril, 2017
Máax taak u xookik ba’alo’ob yaan ba’al u yil yéetel u k’ajla’ayil u lu’umil Yucatán ba’ale’ mina’an u tojol tia’al u manik áanalte’obe’, yaan uláak’ páajtalil tia’al u béeytal u xokiko’ob le je’elo’, yéetel uláak’ ba’alo’ob ti’ maaya tuukul, beyxan ba’alo’ob suuk u beeta’al yéetel ku yantal ti’ le péetlu’uma’.
Le je’ela’ ku béeytal yéetel le ya’abach ju’uno’ob digitalizarta’an ti’ u kúuchil Internet, Biblioteca Virtual de Yucatán (BVY) meyajta’an tumen Secretaría de la Cultura y las Artes (Sedeculta), tu’ux ku páajtal u xak’alta’al maanal ti’ 450 mil u wáal ju’uno’ob, jóok’sa’an ti’ 20 mil áanalte’ob.
Yaan ya’abach wáalalo’obe’, úuchbetako’ob yéetel ma’ je’el tu’uxak je’el u kaxta’alo’obi’; Beyo’, ku yantal u páajtal u xo’okol ya’abach ba’al tumen xoknáalo’ob, aj ka’ambesajo’ob, aj xak’al xooko’ob, aj k’ajla’ayo’ob yéetel je’el máaxak u k’áate’. Chéen k’a’abéet u yokol máak ti’ www.bibliotecavirtual.yucatan.gob.mx. Kúuchile’, táan u túumbenkúunsa’al, le beetik yaan jaatso’ob láayli’ táan u meyajta’al, ba’ale’ u mola’ayil Sedeculta, tu k’a’aytaj táan u beeta’al.
Jóok’sa’an kamp’éel kúuchilo’ob ti’. Much’kíinsa’an ju’uno’ob yaan tu kúuchil áanalte’ob Biblioteca “Crescencio Carrillo y Ancona”, Hemeroteca “José María Pino Suárez” yéetel ti’ Fondos Reservado y Audiovisual.
Ichil u jaatsilo’obe’, yaan junjaats’ ti’ Maaya T’aan, tu’ux ku páajtal u xo’okol ts’íibilo’ob ti’ káan iik’ ti’ilil yéetel ti’ k’ajla’ayil. Ichilo’obe’, ti’ yaan ts’íibo’ob je’el bix U noj a’almajt’aanil u Péetlu’umil Yucatán, Yumtzileex yetel ahcahnaleex ti Chan Santa Cruz yetel ú chucaan tzayanil cahoob, Los testamentos de Ixil, Manuscrito en lengua maya, ichil uláak’o’ob. Yaan xan u meyaj aj ts’íibo’ob ti’ le k’iino’oba’ je’el bix Isaac Carrillo Can, Elisa Chavarrea, Feliciano Sánchez, FIdencio Briceño ichil uláak’o’ob.
Yaan xan ulaak’ jaatsilo’ob je’el bix k’ajla’ay yéetel miaatsil, u noj kaajil Jo’, u ts’íibilo’ob u ba’atelil Castas, Kaajil, ichil uláak’o’ob.
Ku páajtal xan u xo’okol bix u nu’ukbesajil le kúuchilo, tia’al u kaxta’al ju’uno’ob séeba’antak. Ts’oko’ole’ ku chikbesa’al ba’ax ma’ seen úuch ku na’aksali’. Ku tukulta’al xan u ts’a’abal jump’éel kúuchil tsikbal péektsilo’ob yéetel uláak’ u jaats bíin u k’aabat Tesoros de la BVY.
____________________________________________________
[b]Libros en Internet[/b]
Actualmente los libros han traspasado las hojas de papel y se han involucrado en la era digital; es una oportunidad de acceder a documentos contemporáneos, antiguos, históricos o literarios en un sitio web. Tal es el caso de la La Biblioteca Virtual de Yucatán (BVY), que cuenta con una nueva dirección web:
www.bibliotecavirtual.yucatan.gob.mx.
El espacio ofrece más de 450 mil páginas de cerca de 20 mil documentos, clasificados en temáticas de Sociedad, Historia y Cultura, Estado, Ciudad de Mérida, Medio Ambiente, Obras de Consulta, Lengua Maya, Correspondencia de Guerra de Castas y publicaciones digitales.
El objetivo es que el sitio sea más sencillo para explorar, puesto que cuenta con un manual de usuario y con un aviso sobre las nuevas publicaciones, entre otras opciones.
