La Jornada Maya
Oochel Captura de pantalla
K'iintsil
U noj lu'umil México
Jueves 20 ti' abril, 2017
Ikil u kaxanta’al u mu’uk’ankunsa’al u kaambalil xookilo’ob, na’at yéetel tuukule’, máako’ob kaambanaja’ano’ob ti’ UNAM, tu beetajo’ob [i]Baby Bee[/i], jump’éel báaxal tu’ux k’a’abéet u yáanta’al juntúul u yik’el kaab tia’al u k’uchul tu’ux yaan mejen loolo’ob, tia’al u ch’a’ak u yo’och. Ka’alikil táan u báaxal máake’, ku bin u tso’olol bix u kuxtal u yik’el kaabo’ob yéetel u k’a’ananil u kaláanta’al tia’al ma’ u ch’éejelo’ob.
Aj ka’ansaj Carlos Vladimiro González Zelaya, tu ya’alaj ts’o’ok u máan óoxp’éel ja’ab uchik u síijil u tuukulil le báaxal tu patjo’oltaja’, tumen táan ka’ach u beetik meyajo’ob yaan ba’al u yil yéetel teselaciones hexagonales, le je’ela’ ku yantal le ken chu’upuk tuláakal ba’al yéetel hexágonos. “Ook tin tuukul in beetik jump’éel báaxal, tu’ux ka béeyak in táakbes hexágonos, beey úuchik u k’a’ajal ten in beetik jump’éel kúuchil óol beey je’ex jump’éel xuux, ts’o’okole’ máax ku báaxale’ k’a’abéet u ch’a’abal u múuch’il óoxp’éel hexágonos yéetel u su’utulo’ob 120 grados”.
Yaan jejeláas u xa’aybejilo’ob ti’ [i]Baby Bee[/i]. Bebé, u mejenil juntúul ik’el kaab, leti’e’ ku máan u jayláankil tia’al ka béeyak u janal yéetel u nojochtal, ku k’a’abéetchajal u beetik u nu’ukulil tia’al u k’áatmáan ti’ jump’éel hexágono tak ti’ uláak’ ba’ale’ ma’ mantats’ u k’uchul tu’ux unaj.
Ku páajtal u báaxta’al tumen je’el máxake’, yéetel no’ojan tia’al máax yaan u celular ku meyaj yéetel iOS wa Android. U chúumukil le báaxalo’ xma’ bo’olil, ts’o’okole’ mina’an k’a’aytajil koonol. Yaan ukp’éel u t’aanil tia’al u ts’a’abali’: francés, inglés, chino, ruso, portugués, catalán yéetel káastelan.
Le báaxala’ meyajta’an tumen mexicanoilo’ob. U boonilo’obe’ jbeeta’ab tumen Jaime Montoya yéetel u juumilo’ob tumen Jaime Juárez. Ts’o’okole’, yéetel le báaxala’ tu káajsa’ajo’ob xan Momentum Games, mola’ay beetik báaxalo’ob.
___________________________________________
[i]Baby bee,[/i] Videojuego mexicano que preserva las abejas
Con el fin de desarrollar habilidades matemáticas, de razonamiento, lógica e inteligencia espacial, egresados de la UNAM desarrollaron [i]Baby Bee[/i], un juego donde el reto es lograr, con pocos movimientos que el personaje principal, una abeja bebé, llegue a las flores, su alimento. Además educa al jugador mediante mensajes con información acerca del modo de vivir de las abejas y la importancia de cuidarlas para evitar su extinción como principal polinizador.
Actualmente está disponible en siete idiomas: francés, inglés, chino, ruso, portugués, catalán y español. Además, ya se puede descargar en teléfonos inteligentes con sistema operativo iOS y Android.
