de

del

La Jornada Maya
Oochel NASA.gov
K'iintsil

Miércoles 19 ti' abril, 2017

Jump’éel asteroide ku p’isik maanal ti’ 600 metros u kóochile’, naats’ kéen máanak ti’ Yóok’ol Kaab, sáamal miércoles ba’ale’ ma’ sajbe’entsili’, beey tu ts’áaj k’ajóoltbil NASA.

“Kex tumen ts’o’ok u yojéelta’al ma’ sabe’entsil u p’uchkubáaj ti’ Yóok’ol Kaabe’, jach naats’ kéen máanak yo’olal xan u nojochilil”, tu jets’aj mola’ay ti’ jump’éel k’a’aytaj ts’íbiil.

U k’aaba’e’ 2014-JO25, yéetel u kóochile’ ku p’isik kex 650 metros. Yaan u máan kex 1.8 millones ti’ kilómetros tu jáalpachil Yóok’ol Kaab, óoli’ kex jo’otéen u náachil ichil Yóok’ol Kaab yéetel Uj.

Ts’o’ok u máan 400 ja’abo’ob uchik u ts’ook náats’al 2014-JO25 ti’ Yóok’ol Kaab. Beey túuno’, tia’al ka ka’a úuchuke’ yaan u máan uláak’ kex 2 mil 600 ja’aob’ob.

Yáaxe’ yaan u jechik K’iin, ts’o’okole’ yaan u máan naats’ ti’ tu’ux yano’ne’ yéetel tu ts’ooke’ yaan u náats’al ti’ Júpiter, tak kéen suunak tu chúumukil Sistema Solar.

Tu ja’abil 2004, Toutatis, jump’éel asteroide asab nojoch, ku p’isik 4.6 km u chowakil yéetel 2.4 km u kóochile’, jmáan jump’éel millón 549 mil 710 km, le je’ela’ u k’áat u ya’alej, kantéen u náachil ichil Yóok’ol Kaab yéetel Uj.

Le kéen ka máanak naats’ Yóok’ol Kaab, ichil 558 ja’aobo’obe’, ma’ tu jach náats’al je’ek bix le ti’ le k’iino’oba’. Beey túuno’, tak tu ja’abil 2027 ku tukulta’al kéen máanak asteroide 199-AN10, ku p’isik 800 metros u kóochile’, tumen yaan u náats’al kex 380 mil km ti’ Yóok’ol Kaab.

Asteroide 2014-JO25, jump’éel noj páajtalil tia’al aj xak’al xooko’ob yéetel máaxo’ob uts tu yich u cha’antiko’ob ka’an, tu ya’alaj NASA. Yaan u páajtal u cha’anta’al yéetel jump’éel chan telescopio jump’éel wa ka’ap’éel áak’abo’ob.

_____________________________________________________

[b]Asteroide pasará hoy cerca de la Tierra[/b]

Denominado 2014-JO25, el asteroide de aproximadamente 650 metros de diámetro, pasará a 1.8 millones de kilómetros de la Tierra, es decir, algo menos de cinco veces la distancia entre el planeta azul y la luna, sin que esto suponga ningún peligro, informó la NASA.

Su superficie, dos veces más reflectante que la de la Luna, sería visible para un pequeño telescopio durante una o dos noches apartir de hoy.