Notimex
Oochel Gerardo Jaso
K'iintsil
Quintana Roo
Martes 18 ti' abril, 2017
Aj xak’al xooko’ob yéetel xoknáalo’ob ti’ Universidad Intercultural Maya ti’ Quintana Roo, táan u péektsiltiko’ob u xíimbalil “Ruta de la Guerra de Castas”, jump’éel meyaj ku kaxantik ka k’uchuk xíimbaltbil maaya kaajo’ob ti’ José María Morelos yéetel Felipe Carrillo Puerto, tumen táanxelil máako’ob.
Ti’ jump’éel k’áat chi’ tsikbal jbeeta’ab yéetel Cecilia Medina Martín, máax jo’olbesik le xíimbalilo’, tu ya’alaje’ ts’o’ok u máan óoxp’éel ja’abo’ob yanak u tuukulil u beeta’al, uchik u beeta’al jump’éel xak’al xook te’e baata’o’ tia’al u yila’al bix yanik taak’iin yéetel kaaj.
Tu ya’alaje’, ts’a’abik u k’aaba’ beey Guerra de Castas, tumen k’ajla’ay k’a’anan ti’ le kaajo’, ts’o’okole’ jach chéen ti’ le lu’um je’el úucho’.
Ti’ le meyaja’, táan u táakpajal uláak’ mola’ayo’ob je’el bix Instituto Tecnológico ti’ Quintana Roo, Universidad de Canarias España yéetel Red de Estudios Multidisciplinarios de Turismo (REMTUR). Le ts’ooka’, jump’éel múuch’kabil yanchaj tu ja’abil 2016, uchik u beeta’al tumen junmúuch’ máako’ob beetik xaak’alil, ku taalo’ob ti’ najilo’ob xook ti’ Quintana Roo, Kaanpech yéetel Yucatán.
Ku káaxanta’al, ku ya’alik, ka yanak múul meyajil, ka béeytka xan u táakbesa’al uláak’ mola’ayilo’ob ti’ jala’achil tia’al u mu’uk’anchajal meyaj yaan ba’al u yil yéetel Turismo Sostenible, tu Péetlu’umil Yucatán.
Beey túuno’, táan xan u beeta’al uláak’ meyajo’ob tia’al ka táakbesa’ak le xíimbalila’, ichil le jejeláas xíimbalil ku k’a’ayta’al tumen u mola’ayil Secretaría de Turismo. Je’el bix úuchik tu cha’anil Feria de Turismo de Berlín (ITB), beeta’ab ichil 8 tak 12 ti’ marzo, tu’ux jmúuch’ maanal ti’ 10 mil máako’ob k’a’aytiko’ob xíimbalil, ts’o’okole’ yáax juntéen uchik u táakbesa’al u bejilo’ob xíimbalil yaan tu noojolil Quintana Roo, tu’ux yaan Guerra de Castas, Costa Maya yéetel Cultural de Mundo Maya.
__________________________________________________________________
[b]Ruta de la Guerra de Castas, turismo cultural en Quintana Roo[/b]
Académicos y estudiantes de la Universidad Intercultural Maya de Quintana Roo promueven la Ruta de la Guerra de Castas, proyecto con el que se pretende captar turismo cultural e histórico a los municipios mayas de José María Morelos y Felipe Carrillo Puerto.
En este proyecto colabora gente del Instituto Tecnológico de Quintana Roo, la Universidad de Canarias España y la Red de Estudios Multidisciplinarios de Turismo (REMTUR), y buscan crear alianzas y estrategias en torno al desarrollo turístic de la región.
