Notimex
Oochel Sasil Sánchez Chan
K'iintsil
U noj lu'umil México
Lunes 10 ti' abril, 2017
Junmúuch’ ko’olelo’ob sijnáalo’ob ti’ Centroamérica yéetel México, tu ts’áajo’ob k’ajóoltbil u káajal u meyaj u kúuchil k’a’aytajil péektsilo’ob Notimia, tu’ux bíin táakbesa’ak jejeláas ba’alo’ob yaan ba’al u yil yéetelo’ob.
Guadalupe Martínez, máax táakpaja’an ti’ Alianza de Mujeres Indígenas de Centroamérica y México, tu ya’alaj le ja’ale’, jump’éel meyaj ku taal u múul beeta’al yéetel Centro Cultural España, tumen ts’o’ok óoxtéen u beeta’al u múuch’tambalil, Encuentros de Comunicadores Indígenas y Afrodescendientes.
U tuukulile’, ka táakpajak maanal ti’ 300 ko’olelo’ob ti’ Latinoamérica, u ya’abile’ sijnáalo’ob ti’ México, tumen beyo’ je’el u mu’uk’anchajal yéetel u bin u ma’alo’obchajal le meyaj ku taal u beeta’al tu kúuchilo’ob k’a’aytajil péektsilo’ob.
Ku kaxanta’al ka ya’abkunsa’ak péektsilo’ob ku k’a’aytal yo’olal máasewalo’ob yéetel afrodescendientes ti’ tuláakal yóok’ol kaab, ts’o’okole’ bix u k’a’aytal tumen kúuchilo’ob péektsil ti’ mejen kaajo’ob, noj kaajo’ob yéetel tu noj lu’umil México. Beyxan, yaan u kaxanta’al u táakbesa’al jejeláas máasewal t’aano’ob, le beetik yaan u su’utul ichil jayp’éel ti’ u jejeláasil 68 t’aano’ob yaan tu noj lu’umil México.
Isabel Flota Ayala, aj ts’íibtaj péektsil ti’ Notimia, ti’ Nueva York, tu ya’alaj yáax péektsil bíin k’a’aytak ku beeta’al ti’ yóok’ol kaabe’, leti’e’ Foro Permanente para Cuestiones Indígenas 2017; yaan u beeta’al lik’ul 24 ti’ abril tak 5 ti’ mayo tu kúuchil Organización de las Naciones Unidas (ONU).
“Yáax juntéen ken yanak jump’éel kúuchil tia’al jump’éel mola’ay jo’olbesa’an tumen máasewal yéetel afrodescendientes ko’olel”, tu ya’alaj Juliette Bonnafé, máax táakbesa’an ti’ ONU Mujeres. Beey túuno’, ki’imak óolta’ab uchik u xíimbalkúunsa’al Notimia, tumen k’a’anan u yantal máasewal ko’olel, máaxo’ob jo’olbesik jejeláas ba’alo’ob yaan, je’el bix kúuchilo’ob k’a’aytajil péektsilo’ob, “tumen k’as paachil p’aatalo’on ti’ le je’elo’”.
________________________________________________
[b]Notimia, agencia de noticias de Mujeres indígenas y afrodescedientes[/b]
Un grupo de mujeres de Centroamérica y México lanzaron hoy el portal electrónico Notimia, una agencia de noticias de mujeres indígenas y afrodescendientes que busca visibilizar e integrar estos temas en la agenda de los comunicadores.
Guadalupe Martínez, representante de la Alianza de Mujeres Indígenas de Centroamérica y México, detalló que en este medio de comunicación participará una red de más de 300 mujeres de Latinoamérica, en su mayoría pertenecientes a México. El fin es ampliar la cobertura de los asuntos relacionados con esos dos grupos poblacionales a nivel internacional, al transmitir información a medios propios comunitarios, locales y nacionales.
