Notimex
Oochel
K'iintsil
Quintana Roo
Miércoles 5 ti' abril, 2017
U múuch’kabil Fondo Mexicano para la Conservación de la Naturaleza (FMCN) yéetel u jala’achil u noj lu’umil Quintana Roo tu mokt’antajo’ob jump’éel noj múul meyaj tia’al u mu’uk’ankúunsa’al u kúuchil kananil Reserva Estatal Santuario del Manatí Bahía de Chetumal.
Yo’olal le je’elo’, Graciela Saldaña Freire, máax beetik u subsecretaria ti’ Política Ambiental ti’ u mola’ayil Secretaría de Ecología del Medio Ambiente (SEMA), tu ya’alaj yéetel le meyaja’ táan u kaxanta’al ka yanak múul meyaj ti’ le k’áax kaláanta’ano’l ba’ale’ beeyxan le jáal ja’ilo’ob k’a’anatak ti’ Región del Sistema Arrecifal Mesoamericano (SAM). Ku kaxanta’al ma’ u jach jelpajal ba’al yéetel le ku k’aaba’tik cambio climático, u kaláanta’al k’áax yéetel bix u meyaj u k’iinilo’ob yóok’ol
kaab.
Tu múuch’kaibl Fondo para el Sistema Arrecifal Mesoamericano ku tákapajal mola’ayo’ob ku yáantajo’ob tia’al ka béeyak u meyaj je’el bix k’a’anane’; ti’ yaan Comisión Centroamericana de Ambiente y Desarrollo yéetel tuláakal le noj lu’umo’ob táakano’ob ti’ Arrecife Mesoamericano PACT (Belice), beyxan Fundación para la Conservación de los Recursos Naturales y Ambiente en Guatemala (FCG), Fundación Biosfera (Honduras) yéetel Fondo Mexicano para la Conservación de la Naturaleza (México).
Beyxan Saldaña Freire tu ya’alaje’, jk’u’ub u yáantaj Pronatura uchak u beetik u nu’ukbesajil Conservación de Recursos Marinos en Centroamérica, tu’ux ku kaxanta’al u mu’uk’ankúunsa’ak u kúuchil administración ti’ le Reservao’.Tu k’amajo’ob nu’ukulo’ob ku páajtal u bulko’ob ich ja’ tia’al u ch’a’ako’ob oochel yéetel cha’ano’ob yáanal ja’, jump’éel antena ti’ telemetría, nu’ukul tia’al u p’i’isil u ka’analil ja’, yéetel sonda multiparamétrica. Beey túuno’, yaan xaan u ts’a’abal Internet ti’ u ya’abil
kúuchilo’obe’.
