Notimex
Oochel Pepe Soho
K'iintsil
México
Miércoles 29 ti' marzo, 2017
Yéetel u yoochel [i]Believe,[/i] aj ch’a’a oochel sijnáal ti’ México, Pepe Soho, tu náajaltaj u yáax kúuchil ti’ u ketlamil Copa Mundial de Fotografía 2017, beetchaj Yokohama, Japón, tu’ux ku ketikubáaj máako’ob ku taalo’ob kex ti’ 26 noj lu’umo’on ti’ kamp’éel continente’ob.
Oochel náajalnaje’, jch’a’ab ti’ Torres de Paine, Chile. Yáax ja’ats ichil oochelo’ob yaan u páajtalil u náajaltiko’ob wa ba’ax tak ka yéeya’ab leti’ biinsik yáax kúuchil.
U ketlamil World Photographic Cup (WPC) 2017 beeta’an tumen u múuch’kabilo’ob Federación Europea de Fotógrafos Profesionales (FEP), Fotógrafos Profesionales de América (PPA), áantano’ob tumen Unión de Fotógrafos Profesionales de Asia (UAPP) yéetel Instituto Australiano de Fotografía Profesional (AIPP).
Aj ch’a’a oochele’ tu ya’alaj “jach ki’imak u yóol uchik u chíimpolta’al, ba’ale’ asab k’a’anan u tia’al u chíimpolta’al tu k’aaba’ México, tumen yéetel u meyaje’ ku páajtal u k’ajóolta’al u ki’ichkelemil le noj lu’uma’”.
Tu ya’alaj tu yo’olal Yo’olal u yoochel Believee’, “suunajen tin wóol, suunajen tin kuxtal uchik u p’áatal jach mina’an in wóol tia’al mixba’al”.
U ch’a’aik u yoochel jejeláas ba’alo’obe’, “ku beetik u yantal in muuk’ tia’al in beetik ba’alo’ob tuka’atéen, tumen beyo’, ku páajtal in we’esik beyka’aj in yaabiltmaj kuxtal yéetel beyka’aj ki’ichkelem in wilik yóok’ol kaab”.
Tu kúuchil Internet Soho ku xo’okole’, leti’e’ síik tu Noj Kaajil México, ti’ octubre tu ja’abil 1971. Yáax kaambanaj tia’al u paxik bateria, ts’o’okole’ meyajnaj beey empresario; walkila’ ku meyaj tia’al u ye’esik ba’axten uts tu yich u cha’ak oochelo’ob ti’ tuláakal yóok’ol kaab.
______________________________________
[b]Believe[/b]
Con su imagen [i]Believe,[/i] el fotógrafo mexicano Pepe Soho obtuvo el primer lugar en la Copa Mundial de Fotografía 2017, en Yokohama, Japón, certamen en el que participaron artistas de la lente de unos 26 países de cuatro continentes.
El comité de la copa eligió la imagen del creador mexicano, capturada de las Torres de Paine, en Chile, como una de las finalistas en la categoría Naturaleza para posteriormente decidir otorgarle el galardón del primer lugar.
