De la Redacción
Oochel: Ch'a'aban ti' Facebook NFL
K'iintsil
Báaxal Super Tazón 51 káaj tu kúuchil NRG, tu kaajil Houston, chéen p’el k’uchik máax tu beetaj ka’ach u jala’achil u noj lu’umil Estados Unidos, George Bush, yéetel u yatan Barbara.
U múuch’ báaxalil Patriotas, ti’ Nueva Inglaterra tu ketubáaj tu táan Halcones, ti’ Atlanta. Tukulta’abe’, ma’ táan u líik’il Patriotas tumen jach paachil p’aatalo’ob.
Ba’ale’, ma’ jtukulta’ab wa je’el u chukpachtiko’ob le báaxalo’, yanchaj tak u jóok’sa’al uláak’ u súutukil tia’al u yila’al máax ku náajal, tumen jp’áat 28-28 u xookil.
Yáax juntéen ti’ tuláakal u báaxalilo’ob Super Tazón u yantal u jóok’sa’al uláak’ junsúutuk wa tiempo extra.
Ma’ chéen yo’olal le je’elo’ j-úuch jump’éel báaxal mix bik’in bíin tu’ubuk, tumen u nojochil aj báaxalo’obe’, Tom Brady, k’aaba’inta’ab beey máax u jach nojoch ajbáaxal, Jugador Más Valioso del Súper Tazón 51, ts’o’okole’, leti’ u jach nojochil ti’ tuláakal u k’ajla’ayil futbol americano.
Báaxale’, jts’o’ok 34 ti’ Patriotas tu táan 28 ti’ Halcones.
