Ts'íib yéetel oochel: Manuel Contreras
K'iintsil
Jo', Yucatán
Martes 31 ti' enero, 2017
27 ti’ enero máaniko’, jbeeta’ab tu kúuchil Centro de Estudios e Investigaciones Sociales y Culturales (CEISC) “Efraín Calderón Lara”, jump’éel tsikbal tu k’aaba’taj [i]Los mayas en el pensamiento de Felipe Carrillo Puerto[/i], tu’ux tsikbalta’ab jejeláas ba’alo’ob yaan ba’al u yil ti’ politica yéetel maaya kaaj. Le tsikbalo’ jbeeta’ab tumen Jorge Mantilla Gutiérrez, máax u xokmaj etnohistoria tu noj najil xook Universidad Autónoma de Yucatán.
Táanil ti’ le tsikbalilo’, jbeeta’ab jump’éel xíimbal tsikbal ti’ u ye’esajil [i]Tierna Rebelión. La Aurora Maya, [/i]beeta’an tumen Jesús Peraza.
Tu súutukil tsikbale’, ch’a’achita’ab bix u yila’al ka’ach ba’ax ba'alo'ob j-úuch tu k’iinilo’ob Carrillo Pueto tu taan ba’ax u k’áat maaya kaaj; beyxan tsikbalta’ab le jejeláas ba’alo’ob ts’o’ok u ts’íibta’al yo’olal u k’ajla’ayil Yucatán yéetel ba’ax ku jach náats’al ti’ le bix úuchik tuláakal ba’ax ti’ le k’iino’obe’. Ka ts’o’ok le tsikbalo’, paaxanaj Guillermo Calderón yéetel u paaxil latinoamericano.
U kúuchil CEISC Efraín Calderón Lara, káaj u meyaj tu ja’abil 2015, te’elo’, ku táakpajal aj meyajo’ob, kolnáalo’ob, aj xak’al xooko’ob, xoknáalo’ob, ichil uláak’ máako’ob tia’al u tsikbalta’al ya’abach ba’alo’ob tia’al u táak’muk’ta’al u tuukul kaaj, ba’ale’ beyxan k’ajla’ayil. Ku páajtal u táakpajal je’el máaxake’; ku beeta’al tsikbalo’ob, cha’ano’ob, meyajo’ob yéetel xookilo’ob tia’al ka béeyak u yojéelta’al ya’abach ba’alo’ob.
_____________________________________________________________________
El pasado 27 de enero, el Centro de Estudios e Investigaciones Sociales y Culturales (CEISC) “Efraín Calderón Lara” fue sede de la charla denominada [i]Los mayas en el pensamiento de Felipe Carrillo puerto[/i]. Durante el evento se abordaron temas en relación a la política relacionada con el pueblo maya. La charla estuvo a cargo de Jorge Mantilla Gutiérrez, maestro en etnohistoria por la Universidad Autónoma de Yucatán.
