Notimex
Boono'ob ch'a'aban ti' kernaia.com
K'iintsil
Táankelemo’ob tu noj lu’umil México. táan u beetiko’ob meyajo’ob tia’al ka yanak ba’ax táak’muk’tik máasewal t’aano’ob yéetel túumben nu’ukulo’ob. Tak bejla’e’, yaan kex 3 mil u p’éel t’aano’ob yaan u sajbe’entsil u sa’atalo’ob tumen táan u ch’éenel u t’a’analo’ob.
Kernaia, jump’éel kúuchil beeta’an tumen, Manuvo. Junmúuch’ máako’ob ku k’a’abéetkunsiko’ob jejeláas nu’ukulo’ob tia’al ka péektsilta’ak máasewal t’aano’ob.
Máax jo’olbesik Manuvo México, Juan Carlos Jiménez Abarca, tu ya’alaj le kúuchila’ ku kaxantik u ts’áak k’ajóoltbil jejeláas ba’alo’ob ich máasewal t’aan, tumen yaan t’aano’obe’ ma’atech u chikpajalo’ob ti’ túumben nu’ukulo’ob wa tecnologías.
Ya’abach t’aano’obe’, ku ch’éenel u t’a’analo’ob tumen ma’atech u k’a’abéetkunsa’alo’ob tumen kaaj. Ti’ 6 mil 500 u jejeláasil t’aano’ob yane’, 975 ku t’a’anal ti’ América, 195 ti’ Europa, 2 mil 800 ti’ Asia, mil 170 ti’ Pacífico yéetel 2 mil 80 ti’ África, ku ya’alik Jiménez Abarca.
Yáax meyaj beeta’ab tu noj lu’umil México, yanchaj yo’olal jump’éel múul meyaj beeta’ab yéetel Centro Cultural de España, tu ja’abil 2014. Beey uchik u yantal u aplicacionil “Ko’ox kanik mixteco”, “Ko’ox kanik purépecha” yéetel “Ko’ox kanik náhuatl”, tu ya’alaj.
Jiménez Abarca, tu tsikbaltaje’ nu’ukbesajo’obe’ ts’o’ok u yéensa’al maanal ti’ 32 mil u téenal.
Tu xookil Instituto Nacional de Estadística y Geografía (INEGI) beeta’ab tu ja’abil 2015, chikpaj yaan 7.2 millono’ob ti’ máako’ob ku t’aaniko’ob jump’éel máasewal t’aan, tu noj lu’umil México.
Yéetel le meyaj yáax beetchajo’, tukulta’ab u beeta’al jump’éel kúuchil tia’al u meyajta’al aplicaciones yaan ba’al u yil yéetel máasewal t’aano’ob ba’ale’ yéetel HTML, tu najil xook Universidad Intercultural Indígena ti’ Michoacán (UIIM).
Ku páajtal u yila’al ba’ax meyajo’ob ts’o’ok u káajsa’al u beeta’al tu kúuchil Internet kernaia.com/prototipos. Beey túuno’ ku tukulta’al tu ka’a jaatsil le meyaja’, yaan u kaxanta’al taak’inil tia’al u meyajta’al uláak’ ba’alo’ob.
_____________________________________________________
[b]Kernaia: plataforma para la promoción de lenguas indígenas[/b]
Jóvenes mexicanos impulsan el desarrollo de contenidos digitales para preservar y difundir las lenguas originarias de diversos países.
Kernaia, creada por la compañía Manuvo, es un canal de distribución digital para contenidos en lenguas indígenas, dado que algunas de éstas todavía carecen de presencia en la era de las nuevas tecnologías.
El director de Manuvo México, Juan Carlos Jiménez Abarca, subrayó la importancia de aprovechar las posibilidades que ofrece la distribución digital ante los medios tradicionales o convencionales.
