La Jornada
OOchel Roberto García Ortiz
K'iintsil
U noj kaajil México
Martes 24 ti' enero, 2017
Jayp’éel k’iino’ob paachile’, Orquesta Sinfónica de Yucatán (OSY) tu káajsaj u k’iinil u paaxo’ob, temporada 27, tu kúuchil Peón Contreras, yéetel u juumil [i]El Danubio Azu[/i]l, patjo’oltab tumen Johann Strauss Jr, máax k’ajóola’an beey [i]Rey del vals[/i], tumen tu beetaj maanal ti’ 400 u p’éel u paaxil vals.
OSYe’ tu paxaj xan obertura El Murciélago yéetel Voces de Primavera, láayli’ patjo’olta’an tumen Strauss Jr. Beyxan [i]Danzas Noruegas[/i] beeta’an tumen Edvard Grieg beyxan [i]Valses de Praga[/i] yéetel [i]Danzas Eslavas[/i] 1 yéetel 2, beeta’an tumen Antonín Dvorak.
Jo’olbesa’an tumen Juan Carlos Lomónaco, u paax OSY káaj yéetel [i]Marcha Radetzky[/i] ka’alikil u papaxk’a’abtalo’ob. Tu ts’ooke’, Margarita Molina Zaldívar, máax jo’olbesik u múuch’kabil OSY tu níib óoltaj u yu’ubal u paaxo’ob yéetel u yáantaj tuláakal máak.
