Ts'íib yéetel oochel: Óscar Rodríguez
K'iintsil
Jo', Yucatán
Lunes 23 ti' enero, 2017
U múuch’paaxil Caifanes, k’aaynaj ok’najeak tu k’íiwikil u noj kaajil Jo’, tu k’aalalil u máank’inal Mérida Fest 2017. Te’e súutuko’ múuch’ kex 8 mil u túul máak. U nojochil le múuch’paaxa’, Saúl Hernández, tu ki’imak óoltaj kajnáalo’ob ti’ u kaajil Jo’ tumen le kéen óotak beetbil le wa ba’axo’ béeykunsa’al, le beetik tu páayt’antaj máak tia’al u kaláanta’al le je’elo’.
J-u’uyab u k’aayilo’ob [i]Dioses Ocultos, Para que no digas que pienso en ti[/i] yéetel [i]Nubes[/i], ka’alikil tu t’aane’, jk’aaye’ tu ya’alaj ba’ax ku tukultik yo’olal le seten ba’alo’ob táan u yúuchul tu noj lu’umil México, máako’ob ku kíinsa’alo’ob; le beetik tu k’aayajo’ob Antes de que nos olviden.
