K'iintsil
Oochel: Ap
Londres, Inglaterra
Miércoles 24 ti' junio, 2020
Túumben meyajil kaaxan beeta‘abe‘, tu ye‘esaj jump’éel úuchben kúuchil yaan kex 4 mil 500 ja’abo’ob yanak, ts’o’okole’ ku beetiko’ob jump’éel nuxi’ wóolis ku p’isik maanal ti’ ka’ap’éel kilómetros u nojochil. Ti’ j-ila’ab naats’ ti’ u yúuchben megalítico kúuchil Stonehenge, tu noojol-lak’inil Inglaterra, beey úuchik u k’a’aytal tumen Universidad Sanit Andrews, ti’ u lu’umil Escocia.
Ichil ba’ax jts’a’ab k’ajóoltbil tumen najil xooke’, j-a’alab tumen aj xak’al xooko’obe’ le meyaj bin beeta’ac ti’al u líik’sa’al u wóolisil 2 kilométros, tu’ux táaka’an xan kex junk’aal fosos yaan kex 10 metros u kóochil yéetel 5 u taamile’, ku ye’esik yanchaj k’a’anan ba’al u yil le ka’ap’éel kúuchilo’oba’.
Le nuxi’ ba’alob túuna’, nupa’an tumen junt’o’ol wóoliso’ob ichile’, ku ye’esiko’ob u bejil máak ti’al u k’uchulo’ob tu’ux yaan kili’ich kúuchilo’ob ichil le wóoliso’, wa ku ye’esal xan ma’ u náachtalo’ob ti’ le fososo’, beey jts’a’ab k’ajóoltbilo’.
