Reporteros
Oochel: María Luisa Severiano
K'iintsil
Mérida, Yucatán
Lunes 15 ti' junio, 2020
U k’ajla’ayil kaaj yéetel COVID-19 ku núup’ul yéetel u xookolo’ob, estadíistikas, graafikas wa u tiskbalil jaytúul máak ku k’oja’antal sáansamal. Xookolo’ob ku jóok’sa’al túune’, ts’o’ok u beetik u súutul pandemia beey jump’éel ba’al náach ku máan ti’ láak’tsilil. Le beetike’ jach k’a’anan u tsikbalta’al ba’ax le táan u yúuchul, ba’ale’ najmal u p’a’atal paachil xookolo’ob yéetel unaj u táanilkúunsa’al u yich máak, beyxan k’aaba’ob. Ts’o’ok u p’áatale’ tuláakal ba’al jumpáayil yanik, yaj óolale’ mix táan u chikbesa’al, chéen ku na’atal beey jump’éel ba’al yaan u yil yéetel ts’akyajil, ts’o’okole’ múul óolal yéetel láak’inaje’ ts’o’ok u jach jáaypile’enchajal.
