de

del

Ap
Boonil: Twitter @Deeilustra
La Jornada Maya

Guatemala
Viernes 12 ti' junio, 2020

Junmúuch’ máako’ob chíimpolta’ano’ob ichil u kaajil Guatemalae’ tu much’ajubáajo’ob ti’al u beetiko’ob kili’ich t’aan, le miércoles máanika’, aktáan Palacio Nacional, ti’al u k’áatiko’ob ka je’ets’ek u muuk a’almaj t’aan yóok’ol máaxo’ob kíins Domingo Choc Ché, máax tóoka’ab le fin de semana máaniko’, ti’ u chan kaajil Chimay, tu xamanil le noj lu’umo’, úuchik u jóok’sa’al u t’aanil de ke chéen brujo.

Máaxo’ob jmúuch’o’obe’, tu ts’áako’ob nikte’, tu t’abajo’ob kib yéetel inciensóo, ka’aj tu t’ano’ob Ajaw ti’al u k’áat óoltajo’ob yóok’olal Choc yéetel ti’al ka’aj chíimpolta’ak meyaj ku beetiko’ob.

Mario Simón, uláak’ juntúul máax ku beetik guía espiritual Maya Quichee’, síij tu kaajil Sololá, tu much’ajubáajo’ob tu yóok’lal Choc, juntúul máak je’elsa’ab le viernes máaniko’, tumen kajnáalo’ob ti’ Chimay, San Luis, Petén, ts’o’okole’ seenkech a’alab ti’ brujería bin le ku meyajtiko’, tu pulaj k’aasil bin yóok’ol José Pop Caal, máax kíim jayp’éel k’iino’ob táanil. U paalilo’ob Pop yéetel uláak’ máako’obe’, tu je’elso’ob Choc yéetel tu lo’oloxajo’ob kex lajun p’éel horas, beey a’alab tumen fiscalía.