Afp y Reuters
Oochel: @David_Leavitt
K'iintsil
Boston/Londres/Bruselas
Jueves 11 ti' junio, 2020
Líik’saj t’aan yanchaj úuchik u kíinsa’al j-áafroestadunidenseil George Floyde’, tu beetaj u yantal jejeláas xwo’okinilo’ob, je’el bix le yanchaj tu jayp’éel u noj kaajilo’ob Estados Unidos yéetel Europa, tu’ux lúubsa’ab estatuail máako’ob ojéela’an racistaob yéetel tu palitsiltajo’ob kaaj.
Jump’éel u estatuail Cristobal Colóne’ xo’ot u kaajl tu yáak’abil martes, tu kaajil Boston, leti’ u ts’ook ba’ax k’askúunta’ab tumen máaxo’ob ku líik’sik u t’aano’ob tumen ku tukultiko’ob ba’alob je’el bix le je’elo’ ku chikbesiko’ob racismo.
U estatuail Colóne’, juntúul genovés kóoj América tu ja’abil 1942 yéetel u yáantajil Corona española, ti’ jeets’el yóok’ol jump’éel chan t’o’ol tu k’íiwikil láayli’ xan beey u k’aaba’o, Cristóbal Colón, tu chúumukil noj kaaj xan.
Ts’o’okili’ u yáax e’esajl k’uux óol yanchaj tu yóok’lal le estatua je’elo’, je’el bix uláak’ ts’a’abano’ob ti’ uláak’ kaajo’ob ti’ yóok’ool kaab, tumen joronts’íibta’anili’e’.
Uláak’ jump’éel u estatuail Colóne’, jo’ok te’e tu’ux yano’ le martes máaniko’, tu kaajil Richmond, Virginia, ts’o’ok túun u jo’okole’, ka’aj pu’ul ti’ jump’éel áak’al yaan te’elo’.
