Merry Macmasters
Oochel: Barry Domínguez
La Jornada Maya
México
Martes 9 ti' junio, 2020
Jboon, jpóol meyaj, jboonil pak’ yéetel jwoojil Manuel Felguérez (Hacienda de San Agustín del Vergel, ti’ u méek’tankaajil Valparaiso, Zacatecase’) jkíim tu taal u píik’il le lunes máanika’, tu yotoch ti’ yaan ka’ach Ciudad de México. 91 u ja’abil ka’achij, ba’ale’ tsa’ay ti’ COVID-19.
U kíimile’ jk’a’aytab ti’ redes sociales tumen u jala’achil u lu’umil Zacatecas, Alejandro Tello.
Felguéreze’ juntúul ti’ le ts’ook máaxo’ob táakpajo’ob ti’ ba’ax k’ajóolta’ab beey [i]Generación de La Ruptura[/i], péeksajil yanchaj tu ka’a jaatsil siglo XX. tu’ux tu jatsubáaj ti’ ba’ax yáax jeets’el yóok’lal muralismo. Juntúul máax unaj u ch’a’achibta’al le ken úuchuk t’aan yóok’lal miatsil tu lu’umil México, yéetel leti’ máax nojochkíin its’at k’ajóolta’an beey abstracto, ts’o’okole’ juntúul ti’ le máaxo’ob patjo’olt its’at ichil siglo XX yéetel XXI.
Yum Manuele’ tu p’ataj noj meyajo’ob, jump’éel museo ts’a’aban u k’aaba’ leti’, tu’ux ku ye’esa’al arte abstracto, ti’ yaan tu noj kaajil Zacatecas, yéetel tu p’ataj xan u ts’ook e’esajil Trayectorias, beeta’ab úuchak u k’iimbesa’al 90 ja’abo’ob ti’ u kuxtal -tu k’iinil 12 ti’ diciembre ti’ u ja’abil 2018-, ti’ kúuchil Museo Universitario Arte Contemporáneo (Muac), ku meyaj tu yáamil Universidad Nacional Autónoma de México (UNAM), ts’o’okole’ ka’aj káaj u máan u k’oja’anil COVID-19 tu lu’umil Méxicoe’ láayli’ táan ka’ach u ye’esale’.
