Juan Ricardo Montoya
Oochel: Afp
K'iintsil
Tenango De Doria, Hidalgo
Martes 26 de mayo, 2020
Xchuuyil, Josefina José Tavera, máax patjo’olt chuuy k’ajóolta’an beey tenango, kíimij. 87 u ja’abil ka’achij.
Leti’e’ kíim miércolesij, tu chan kaajil San Nicolás, tu’ux síijij, ba’ale’ u k’a’aytal ba’ax úuche’, jbeeta’ab tak tu yáak’abil sábado, úuchik u ts’a’abal k’ajóoltbil tumen u jala’achil u lu’umil Hidalgo, Omar Fayad Meneses.
“Ku tukulta’ale’ leti’e’ x chuuy máax patjo’olt u yáax meyajil tenango, jump’éel chuuy k’a’anan yéetel k’ajóolta’al ti’ k lu’umil. Chuuy tu beetaje’ yaan u p’áatal ti’ u chuuyil kuxtal tu beetaj tu lu’umil Hidalgo. Kin yaj óoltik xan yéetel kin láak’intik u láak’o’ob”, beey tu ts’íibtaj jala’ach ti’ Twitter.
Xnicaraguenseil ts’íib, Magda Bello, Premio Internacional de Poesía Rubén Darío 2018, tsikbalnaj yéetel Gláfira Candelaria José, u yaal le xchuuyo’, tu ja’abil 2019, úuchik u xíimbaltik u lu’umil Hidalgo, ka’aj beeta’ab u cha’anil Feria Infantil del Libro, ts’o’okole’ tu yaj óoltaj xan ba’ax úuchij yéetel tu ya’alaje’, ti’ túumben ts’íib ken u ts’áaj k’ajóoltbile’ yaan u chíimpoltik u xchuuyilo’ob ti’ u kaajil Hidalgo, Tenango de Doria, tu’ux táaka’an Josefina José Tavera.
