La Jornada Maya
Oochel: Profepa
Ciudad de México
Jueves 14 ti' marzo, 2020
Tu kúuchil Aeropuerto Internacional de la Ciudad de México (AICM) to’ok 15 mil u túul áako’ob unaj kaláanta’ano’ob. Ti’ jtso’olob ichi máabeo’obi’, ts’o’okole’ ma’ a’alan tu’ux u taalo’obi’ yéetel u tukulta’an u túuxtalo’ob tak China, beey úuchik u ts’a’abla k’ajóoltbil tumen Procuraduría Federal de Protección al Ambiente (Profepa).
Ti’ jump’éel k’a’aytajil ts’íibe’, mola’aye’ tu ts’áaj k’ajóoltbil múul meyjnaj yéetel Administración General de Aduanas ti’ Servicio de Administración Tributaria ti’al u páajtal u beeta’al u xaak’alil tu’ux to’ok le ba’alche’obo’, tumen beey úuchik u yila’al yaan 15 mil 53 u túul áako’ob ma’ ojéela’an tu’ux u taalo’obi’ ts’o’okole’ mina’an u ju’unil ti’al u túuxtalo’ob tak China.
Le beetike’, to’ok tuláakal le áako’obo’ ba’ale’ yaan ts’o’okili’ u kíimilo’obi’. Ti’ jp’áato’ob tu kúuchil Centro para la Conservación e Investigación de la Vida Silvestre ti’ u mola’ayil Secretaría de Medio Ambiente y Recursos Naturales, tu noj kaajil Los Reyes La Paz, estado de México.