K'iintsil
Oochel: Sashil Sánchez Chan
Mérida, Yucatán
Miércoles 30 de abril, 2020
Ka’aj a’alab táan u ch’a’anukta’al u beeta’al uláak’ ba’alo’ob ti’al u kaláanta’al kaaj ti’ pandemia táan u máan yóok’lal u k’oja’anil COVID-19, ookten saajkil. Ma’ in k’áat ka’ach ka k’a’alken tu noj kaajil Jo’, -tu’ux kajakbalen ka’ach tumen ti’ kin meyaji’-, jela’an úuchik in wu’uyik, óoli’ chikchnakchajen, yóok’lal bix ts’o’ok u máan ten kuxtal; beey in wóol ma’ in k’áat in p’áatal noj kaaj, ma’ in k’áat in k’alimbáaj tin wotochi’, ma’ ti’ in k’áati’.
Ka’ap’éel tu’ux úuchik in líik’il, in kaajal yéetel noj kaaj, ba’ale’ kin tsikbaltik le je’ela’ ti’al in k’as tsolik ba’ax kin wilik yéetel bix in wu’uyik ba’al ti’ le k’iino’oba’.
