K'iintsil
Oochel: Cortesía
Mérida, Yucatán
Lunes 27 ti' abril, 2020
Te’e k’iino’oba’ tu’ux táan u beeta’al ya’abach ba’alo’ob ti’al u kaláanta’al u toj óolal kaaj yóok’lal u pak’be’en k’oja’anil COVID-19, ts’o’ok u chikpajal junmúuch’ máako’ob táan u meyajo’ob tu yóok’lal: k’an p’óoko’ob. Ya’abach máako’ob chéen yanchaj u yóolo’ob u yáantajo’obe’, ku meyajo’ob ti’al u biinsiko’ob despesas tak tu yotoch máaxo’ob jach k’a’abéetti’ob. Tak le p’is k’iinil máaniko’, ts’o’ok u k’u’ubul tumen u jala’achil le lu’umo’ kex 427 mil u p’éel ts’éent áantajilo’ob ti’ u lu’umil Quintana Roo, ts’o’okole’ le sábado máanik xana’ káaj u ka’a jaatsil meyaj, tu’ux k’u’ub áantaj tu kaajil Cozumel, Tulum yéetel Leona Vicario.
Maanal ti’ mil u túul áantaj máako’ob ku xíimbaltiko’ob u bejilo’ob le noj lu’umo’, ti’al u páajtal u k’u’ubul ba’ax ku ts’a’abal tumen jala’ach. Alicia Yama Ek yéetel Joel Beh Kumul ti’ ku meyajo’obi’; ku máano’ob u k’ubo’ob áantaj tu kaajil Tulum, ts’o’okole’ ku ya’aliko’ob jach ki’imak u yóolo’ob tumen táan u yáantiko’ob u yéet kaajalo’ob.
Lee la nota en español: [a=https://www.lajornadamaya.mx/2020-04-27/Es-un-gran-orgullo-apoyar-a-nuestros-paisanos--brigadistas]Aquí[/a]
